Health Tips : Breast Pump म्हणजे काय ? बाळाला स्ततपान करताना काय काळजी घ्यावी ?

सध्याच्या बदलत्या जीवनशैलीमुळे म्हणा किंवा आजच्या काळातील आई ही गृहिणी नाही तर वर्किंग वुमन जास्त आहे. त्यामुळे पुर्णवेळ बाळाकडे लक्ष देणं शक्य होत नाही की बाळाला दूध पाजता येत नाही.

• Breast Pump म्हणजे काय ?
• बाळाला स्ततपान करताना काय काळजी घ्यावी ?

बाळाचा जन्म होतो तेव्हा बाईचा देखील आई म्हणून जन्म होतो. प्रसुतीनंतर अनेक महिलांना बाळाला स्तनपान करताना खूप त्रास होतो. याला विविध कारणं देखील आहेत. सध्याच्या बदलत्या जीवनशैलीमुळे म्हणा किंवा आजच्या काळातील आई ही गृहिणी नाही तर वर्किंग वुमन जास्त आहे. त्यामुळे पुर्णवेळ बाळाकडे लक्ष देणं शक्य होत नाही की बाळाला दूध पाजता येत नाही. मात्र या समस्येवर देखील उपाय आहे बरं का ? बाळाला योग्यरित्या दूध पाजता यावं यासाठी आजच्या काळातल्या आईला मदत म्हणून बाजारात Breast Pump आले आहेत.

आता हे ब्रेस्ट पंप नक्की आहेत तरी काय आणि याचा वापर कसा करायचा या सगळ्या प्रश्नांची उत्तरं आज जाणून घेऊयात.

ब्रेस्टपंप म्हणजे काय ?

प्रसुतीनंतर शरीरातील हार्मोनल बदल होतात आणि आई बाळाला स्तनपान करते. पण अनेक महिलांना दूध पाजताना खूप वेदना होतात. अशावेळी बाळाला दूध पाजताना ब्रेस्टपंप एक चांगला पर्याय आजची आई वापरु शकते. याच्या सहाय्याने आई बाळाला दूध पाजू शकते आणि स्तनांना होणारा त्रास याने कमी होतो.

See more

Baby Care: थंडीच्या दिवसांत Premature बाळाची काळजी घेण्याची पद्धत, सर्दी – खोकल्याचा धोका टाळण्यासाठी काय करावे

ब्रेस्टपंपचे प्रकार

Manually Breastpump, Electric Breast Pump असे मार्केटमध्ये विविध प्रकारचे ब्रेस्टपंप आहेत.Manually Breastpump हा तुम्हाला हाताने वापरावा लागतो. यासाठी तुम्हाला थोडी मेहनत घ्यावी लागते. दुसरा पंप आहे त्याला Electric Breast Pump असं म्हणतात. याला एक मोटर जोडलेली असते. याच्या सहाय्याने बाटलीमध्ये दूध जमा होतं. Manual Breastpump पेक्षा हा पंप वापरणं जास्त सोयीचं आहे. यानंतर सगळ्यात छोटा आणि जास्त वापरण्यात येणारा पंप म्हणजे वायरलेस पंप. हा पंप अगदी छोटा असला तरी वापरणं सोपं पडतं. हा इलेक्ट्रिक असल्याने याला चार्ज करणं देखील गरजेचं आहे. याचबरोबर सगळ्यात महत्वाचं म्हणजे यात दूध काढून तुम्ही ठेऊ पण शकता.

ब्रेस्टपंपची स्वच्छता

ब्रेस्टपंपचे जसे फायदे पण हे तेव्हाच शक्य आहे त्याची स्वच्छता राखली जाते. वापरल्यानंतर हा ब्रेस्टपंप तुम्ही स्वच्छ धुवून वाळवून घ्यायला पाहिजेत. नाहीतर हे बाळाच्या आरोग्यासाठी घातक ठरु शकतं. ब्रेस्टपंप वापरवा की वापरु नये याबाबत तुम्ही स्वत: कोणताही निर्णय घेण्याआधी डॉक्टरांचं मत आधी जाणून घेणं गरजेचं आहे.

प्रसूतीनंतर गर्भाशय तपासणी टाळणाऱ्या मातांच्या संख्येत वाढ, बाळाच्या संगोपनात स्वतःच्या आरोग्याकडे दुर्लक्ष