पावसाच्या थंड वातावरणात घरी नक्की बनवा चायनीज स्टाईल गरमा गरम मंचाव सूप; चवीसह पौष्टिकतेचा संगम!

Manchaow Soup Recipe : पावसाच्या थंडगार वातावरणात काही गरमा गरम खाण्याची इच्छा होतेय? अहो मग वाट कसली पाहताय, लगेच घरी बनवा झटपट तयार होणार स्वीट अँड स्पाईसी मंचाव सूप!

मंचाव सूप ही एक लोकप्रिय चायनीज-इंडियन फ्यूजन डिश आहे जी थंडीच्या वातावरणात सहज जास्त खाल्ली जाते. भाज्या आणि सॉसच्या संगमातून तयार केलेला हा झणझणीत आणि चवदार सूप मनाला शांती देऊन जातो. सध्या पावसाळा ऋतू सुरू आहे, थंडगार पावसात घरी बसून गरमा गरम सूप पिण्याची मजा काही औरच असते! म्हणूनच आज आम्ही तुमच्यासाठी चायनीज स्टाईल मंचाव सूप घरी कसा तयार करायचा याची एक सोपी रेसिपी सांगत आहोत. हा सूप चवीला तर छान लागेलच शिवाय यात बऱ्याच भाज्या वापरल्या जात असल्याने तुमच्या आरोग्यसाठीही फायदेशीर ठरते.

शिरा खाऊन कंटाळा आला असेल तर सोप्या पद्धतीमध्ये घरी बनवा चविष्ट पपईचा हलवा, नोट करून घ्या गोड रेसिपी

चायनीज खाद्यपदार्थांपैकी मंचाव सूप हे एक लोकप्रिय सूप आहे. हलके-फुलके, तिखटसर आणि चविष्ट असे हे सूप विशेषत: पावसाळ्यात किंवा हिवाळ्यात प्यायला छान लागते. यामध्ये भरपूर भाज्या, सोया सॉस आणि लसूण-आले यांचा वापर करून तयार केलेले हे सूप केवळ चवदारच नाही तर पौष्टिक देखील आहे. चला जाणून घेऊया यासाठी लागणारे साहित्य आणि कृती.

साहित्य

• गाजर – ½ कप (बारीक चिरलेले)
• कोबी – ½ कप (बारीक चिरलेले)
• शिमला मिरची – ¼ कप (बारीक चिरलेली)
• फरसबी – ¼ कप (बारीक चिरलेली)
• स्प्रिंग ऑनियन – 2 टेबलस्पून
• आले-लसूण पेस्ट – 1 टीस्पून
• हिरवी मिरची – 1 (बारीक चिरलेली)
• सोया सॉस – 1 टेबलस्पून
• व्हिनेगर – 1 टीस्पून
• रेड चिली सॉस – 1 टीस्पून
• कॉर्न फ्लोअर – 1 टेबलस्पून (½ कप पाण्यात विरघळवून)
• मीठ – चवीनुसार
• मिरीपूड – ½ टीस्पून
• पाणी / भाज्यांचा स्टॉक – 3 कप
• तळलेले नूडल्स – सर्व्ह करण्यासाठी

Jalebi Recipe : गोड, कुरकुरीत बाजारासारखी जलेबी आता घरीच बनवा; सणसमारंभासाठी परफेक्ट डिश!

कृती

• यासाठी सर्वप्रथम कढईत थोडे तेल गरम करून त्यात आले-लसूण पेस्ट व हिरवी मिरची घालून परतून घ्या.
• आता त्यात सर्व चिरलेल्या भाज्या टाका आणि २-३ मिनिटे परतून घ्या.
• पाणी किंवा भाज्यांचा स्टॉक घालून उकळी येऊ द्या.
• नंतर सोया सॉस, व्हिनेगर, रेड चिली सॉस व मीठ-मिरीपूड घाला.
• उकळी आल्यावर कॉर्न फ्लोअरचे पाणी घालून सूप घट्टसर होऊ द्या.
• शेवटी स्प्रिंग ऑनियन घालून सूप तयार करा.
• गरमागरम सूप वरून तळलेले नूडल्स टाकून सर्व्ह करा.
• गरमागरम मंचाव सूप संध्याकाळच्या वेळी हलक्या भुकेसाठी एक उत्तम पर्याय आहे.

FAQs (संबंधित प्रश्न)

मंचाव सूप म्हणजे काय?
मंचाव सूप ही एक लोकप्रिय चायनीज-स्टाईल सूप आहे, ज्यामध्ये विविध भाज्या, आले, लसूण, सोया सॉस आणि इतर मसाल्यांचा वापर केला जातो. साधारणपणे, ते गरम आणि मसालेदार असते.

मंचाव सूपमध्ये चिकन वापरतात का?
मंचाव सूप हा व्हेज आणि नॉनव्हेज अशा दोन्ही पर्यायांमध्ये बनवला जातो.