विकतचे च्यवनप्राश आणून खाण्यापेक्षा घरी पारंपरिक पद्धतीने बनवा आवळ्याचे च्वनप्राश, थंडीत सुधारेल शरीराची रोगप्रतिकारशक्ती

थंडीच्या दिवसांमध्ये बाजारात मोठ्या प्रमाणावर आवळे उपलब्ध असतात. त्यामुळे आवळ्यांपासून तुम्ही सोप्या पद्धतीमध्ये च्वनप्राश बनवू शकता. हा पदार्थ आरोग्यासाठी अतिशय पौष्टिक आहे.

थंडीच्या दिवसांमध्ये शरीरात उष्णता टिकून ठेवण्यासाठी अनेक वेगवेगळ्या पदार्थांचे सेवन केले जाते. कधी काढा प्यायला जातो तर कधी वेगवेगळे पदार्थ खाल्ले जातात. तसेच लहान मुलांना च्वनप्राश खाण्यास दिले जाते. वेगवेगळ्या पदार्थांपासून बनवलेले च्वनप्राश शरीरासाठो अतिशय प्रभावी आहे. सकाळी उठल्यानंतर नियमित एक चमचा च्वनप्राश खाल्ल्यास महिनाभरात शरीरात अनेक महत्वपूर्ण बदल दिसून येतील. लाडू, विविध फळे, खारीक, खोबऱ्यांसह बाजारात गाजर, हरभरे, तुरई, मटार, मुळा, बीट, आवळे इत्यादी अनेक वेगवेगळे पदार्थ भाज्या उपलब्ध असतात. म्हणूनच आज आम्ही तुम्हाला तुम्हाला सोप्या पद्धतीमध्ये आवळ्याचे च्वनप्राश बनवण्याची रेसिपी सांगणार आहोत. थंडीच्या दिवसांमध्ये आवळ्याचे सेवन करणे शरीरासाठी अतिशय प्रभावी ठरते.यामध्ये विटामिन सी, लोह, मॅग्नेशियम, पोटॅशियम, कॅल्शियम इत्यादी अनेक घटक आढळून येतात. कायमच च्वनप्राश बाजारातून विकत आणले जाते. विकत आणलेल्या पदार्थांमध्ये काही प्रमाणात केमिकल आणि प्रक्रिया करून स्टोर केलेल्या पदार्थांचा वापर केला जातो. अशा पदार्थांचे सेवन करण्याऐवजी घरी बनवलेल्या पौष्टिक पदार्थांचे सेवन करावे. चला तर जाणून घ्या सोप्या पद्धतीमध्ये आवळ्याचे च्वनप्राश बनवण्याची कृती.(फोटो सौजन्य – pinterest)

Recipe : तुपात बुडालेली लिट्टी आणि मसालेदार चोखा; युपीची ही पारंपरिक डिश कधी खाल्ली की नाही?

साहित्य:

• आवळा
• दालचिनी पावडर
• तिळाचे तेल
• मध
• गूळ
• अश्वगंधा पावडर
• विदारीकंद पावडर
• पिंपळ पावडर
• दालचिनी पावडर
• वेलची पावडर
• नागकेसर पावडर
• लवंगा पावडर
• तमालपत्र पावडर
• सुंठ पावडर
• मुळेठी पावडर
• तुळशी पावडर
• केशर

मार्गशीषमधील पहिल्या गुरुवारी देवीच्या नैवेद्यासाठी झटपट बनवा गाजर खीर, रबडीसारखी होईल दाटसर

कृती:

• आवळ्याचे च्वनप्राश बनवण्यासाठी सर्वप्रथम, ताजे आवळे स्वच्छ धुवून घ्या. कुकरच्या भांड्यात आवळे आणि पाणी घालून कुकरच्या ४ ते ५ शिट्ट्या काढा.
• शिजवून घेतलेले आवळे थंड झाल्यानंतर त्यातील बिया काढून गर बाजूला काढा. मिक्सरच्या भांड्यात शिजवलेले आवळे घालून पेस्ट तयार करा.
• कढईमध्ये तिळाचे तेल आणि तूप घालून गरम करा. त्यानंतर त्यात आवळ्याचा गर घालून मंद आचेवर शिजवून घ्या.
• आवळ्याचे मिश्रण सतत चमच्याने मिक्स करत राहा. मिश्रण घट्ट झाल्यानंतर गॅस बंद करून घ्या.
• टोपात पाणी गरम करून त्यात गूळ घाला. एकतारी पाक तयार झाल्यानंतर आवळ्याच्या मिश्रणात ओतून व्यवस्थित मिक्स करा.
• तयार केलेल्या मिश्रणात सर्व पावडर व्यवस्थित मिक्स करून सतत ढवळत राहा. तयार केलेला मिश्रण गॅसवर मंद आचेवर ठेवा.
• तयार केलेले मिश्रण व्यवस्थित घट्ट झाल्यानंतर गॅस बंद करून थंड करून घ्या. त्यानंतर त्यात मध घालून मिक्स करा.
• तयार केलेले च्वनप्राशन बंद डब्याच्या झाकणात भरून ठेवा. तयार आहे सोप्या पद्धतीमध्ये बनवलेला आवळ्याचा च्वनप्राश.