लहान मुलांना आवळा खायला आवडत नाही? मग सोप्या पद्धतीमध्ये बनवा आवळा राईस, वाचा सोपी रेसिपी

लहान मुलांसह मोठयांना आवळा खायला आवडत नाही. अशावेळी तुम्ही मुलांना आवळा राईस बनवून खायला देऊ शकता. आवळा राईस आरोग्यासाठी अतिशय पौष्टिक आहे. आवळा खाल्यामुळे केस आणि त्वचेला अनेक फायदे होतात. जाणून घेऊया रेसिपी.

हिवाळ्यात बाजारामध्ये सर्व प्रकारच्या पालेभाज्या आणि इतर फळभाज्या उपलब्ध असतात. भाज्या खाल्यामुळे शरीराला कॅल्शियम, प्रोटीन आणि इतर जीवनसत्वे मिळतात. दैनंदिन आहारात भाज्यांचे सेवन करणे आवश्यक आहे. अनेकदा रात्रीच्या जेवणात नेमकं काय बनवावं? हा प्रश्न सर्वच महिलांना पडतो. अशावेळी डाळ खिचडी किंवा पचनास सोपे असलेले पदार्थ बनवले जातात. पण आज आम्ही तुम्हाला रात्रीच्या जेवणात सोप्या पद्धतीने आवळा राईस बनवण्याची सोपी रेसिपी सांगणार आहोत. आवळा आरोग्याच्या दृष्टीने अतिशय पौष्टिक आणि गुणकारी आहे. केस आणि त्वचेच्या उत्तम आरोग्यासाठी दैनंदिन आहारात आवळ्याचे सेवन करावे. शिवाय आवळ्यामध्ये मुबलक प्रमाणात विटामिन सी आढळून येते. चवीला आंबट तुरट असलेल्या आवळ्यापासून अनेक वेगवेगळे पदार्थ बनवले जातात. चला तर जाणून घेऊया आवळा राईस बनवण्याची सोपी रेसिपी. (फोटो सौजन्य – iStock) 

नवनवीन रेसिपीसाठी इथे किल्क करा

साहित्य:

• आवळा
• तांदूळ
• कच्ची हळद
• मीठ
• मोहरी
• हिंग
• कढीपत्ता
• लाल मिरच्या
• काजू
• तेल
• कोथिंबीर

नवनवीन रेसिपीसाठी इथे किल्क करा

कृती:

• आवळा राईस बनवण्यासाठी सर्वप्रथम, आवळा, कच्ची हळद आणि आलं स्वच्छ धुवून घ्या. त्यानंतर किसणीच्या सहाय्याने बारीक किसा.
• कढईमध्ये तेल गरम करण्यासाठी ठेवा. गरम तेलात मोहरी आणि हिंग टाकून वरून कढीपत्त्याची पाने टाका.
• नंतर त्यात हिरव्या मिरच्या, लाल मिरच्या, काजू घालून व्यवस्थित भाजून घ्या.
• भाजून झाल्यानंतर त्यात किसलेलं आलं, कच्ची ओली हळद व आवळे घालून ३ मिनिटं मंद आचेवर व्यवस्थित परतून घ्या.
• त्यानंतर त्यात शिजवून घेतलेला भात टाकून व्यवस्थित मिक्स करून घ्या.
• सर्व साहित्य व्यवस्थित मिक्स करून झाल्यानंतर वरून कोथिंबीर टाकून गॅस बंद करा.
• तयार आहे सोप्या पद्धतीमध्ये बनवलेला आवळा राईस.