सकाळच्या नाश्त्यासाठी वाटीभर बाजरीच्या पिठापासून बनवा हेल्दी टेस्टी बाजरीचे धिरडे, नोट करून घ्या रेसिपी

सकाळच्या नाश्त्यासाठी तुम्ही सोप्या पद्धतीमध्ये बाजरीचे धिरडे बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या बाजरीचे धिरडे बनवण्याची सोपी रेसिपी.

सकाळच्या नाश्त्यात प्रत्येकालाच काहींना काही हेल्दी आणि टेस्टी खायला हवे असते. नाश्त्यात कांदापोहे, उपमा, शिरा किंवा इतर पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. कायमच नाश्त्यात बाहेरील विकतचे पदार्थ खाल्ले जातात. पण सतत तिखट आणि तेलकट पदार्थ खाल्यामुळे शरीरात कोलेस्ट्रॉल वाढण्याची जास्त शक्यता असते. म्हणूनच आज आम्ही तुम्हाला वाटीभर बाजरीच्या पिठाचे धिरडे बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. बाजरीच्या पिठात असलेले गुणकारी घटक आरोग्य सुधारतात. याशिवाय धिरडे बनवताना तुम्ही त्यात वेगवेगळ्या भाज्यांचा सुद्धा वापर करू शकता. हा पदार्थ बनवण्यासाठी अतिशय कमी साहित्य लागते. घाईगडबडीच्या वेळी पौष्टिक पदार्थ खाण्याची इच्छा झाल्यास तुम्ही बाजरीच्या पिठाचे धिरडे बनवू शकता. जाणून घ्या बाजरीच्या पिठाचे धिरडे बनवण्याची सोपी रेसिपी.(फोटो सौजन्य – istock)

दिवसाची सुरुवात होईल आणखीनच स्पेशल! १० मिनिटांमध्ये घरी बनवा टपरीवर मिळतो तसा चविष्ट उकाळा

साहित्य:

• बाजरीचे पीठ
• दही
• मीठ
• लाल तिखट
• ओवा
• हिरव्या मिरचीची पेस्ट
• टोमॅटो
• कांदा
• गाजर
• शिमला मिरची
• तीळ
• कोथिंबीर
• तूप

गोड पदार्थ खाण्याची इच्छा झाल्यास सोप्या पद्धतीमध्ये घरी बनवा चविष्ट केशर शिरा, नोट करून घ्या रेसिपी

कृती:

• बाजरीच्या पिठाचे धिरडे बनवण्यासाठी सर्वप्रथम, वाटीमध्ये बाजरीचे पीठ चाळून घ्या. त्यानंतर त्यात दही, मीठ, ओवा, हिरवी मिरची- आले-लसूण पेस्ट घालून व्यवस्थित मिक्स करा.
• तयार केलेल्या मिश्रणात थोडस पाणी घालून मिक्स करून घ्या. या पिठात जास्त पाणी घालू नये.
• त्यानंतर त्यात पांढरे तीळ, किसलेले गाजर, बारीक चिरलेली सिमला मिरची, कोबी आणि बारीक चिरलेला टोमॅटो, कोथिंबीर, बारीक चिरलेला कांदा घालून व्यवस्थित मिक्स करा.
• पॅनमध्ये तूप घालून गरम करा. त्यावर तयार केलेले धिरडे पीठ पसरवून घ्या आणि दोन्ही बाजूने व्यवस्थित भाजा.
• तयार आहे सोप्या पद्धतीमध्ये बनवलेले बाजरीच्या पिठाचे धिरडे. हा पदार्थ दही किंवा हिरव्या चटणीसोबत सुंदर लागेल.