अंगारखी चतुर्थीनिमित्त १० मिनिटांमध्ये बनवा चविष्ट केळीचे मोदक, लहान मुलांसह मोठ्यांना आवडेल पदार्थ

अंगारखी चतुर्थी किंवा इतर सणांच्या दिवशी घरात गोड पदार्थ बनवले जातात. पण आज आम्ही तुम्हाला सोप्या पद्धतीमध्ये केळीचे मोदक बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल.

श्रावण महिना सणांचा महिना म्हणून ओळखला जातो. या महिन्यात अनेक सण उत्सव असतात. त्यातील सगळ्यांच्या आवडीचा सण म्हणजे गणेशोत्सव. गणपती बाप्पाच्या आगमनाला अवघे काही दिवस शिल्लक राहिले आहेत. गणपती बाप्पाच्या आगमनानंतर सगळीकडे एक वेगळाच उत्साह असतो.याशिवाय गणपती बाप्पाच्या आवडीचे मोदक १० दिवसांमध्ये वेगवेगळ्या पद्धतीने बनवले जातात. आज संपूर्ण राज्यभरात अंगारखी चतुर्थी मोठ्या आनंद आणि उत्साहात साजरा केली जात आहे. श्रावण महिन्यात पहिल्यांदाच अंगारखी चतुर्थी आल्यामुळे सगळीकडे एक वेगळाच उत्साह आहे. म्हणूनच आज आम्ही तुम्हाला १० मिनिटांमध्ये केळीचे मोदक बनवण्याची सोपी रेसिपी सांगणार आहोत. यापूर्वी तुम्ही उकडीचे मोदक, गव्हाचे मोदक किंवा इतर गुलकंद मोदक खाल्ले असतील पण आज आम्ही तुम्हाला केळीची मोदक बनवण्याची सोपी रेसिपी सांगणार आहोत. केळी खाणे आरोग्यासाठी अतिशय पौष्टिक आहे. यामध्ये असलेले पोटॅशियम शरीराला पोषण देते. चला तर जाणून घेऊया केळीचे मोदक बनवण्याची सोपी रेसिपी.(फोटो सौजन्य –pinterest)

दिवसाची सुरुवात करा हेल्दी नाश्त्यासाठी! १० मिनिटांमध्ये झटपट बनवा हेल्दी पनीर सॅलड, नोट करा रेसिपी

साहित्य:

• केळी
• बारीक रवा
• साखर
• तूप
• सुका मेवा
• डेसिकेटेड कोकोनट
• केशर
• दूध
• खसखस

अंगारखी चतुर्थीनिमित्त बाप्पाच्या नैवेद्यासाठी झटपट बनवा लोण्यासारखे मऊ उकडीचे मोदक, नोट करा पारंपरिक रेसिपी

कृती:

• केळीचे मोदक बनवण्यासाठी सर्वप्रथम, मोठ्या वाटीमध्ये केळीचे तुकडे घेऊन मॅश करून घ्या. त्यानंतर त्यात साखर आणि डेसिकेटेड कोकोनट घालून चमच्याने मिक्स करा.
• कढईमध्ये तूप गरम करून त्यात मनुके आणि खसखस भाजून घ्या. त्यानंतर त्यात मॅश केलेल्या केळीची सारण टाकून खमंग भाजून घ्या.
• दुसऱ्या कढईमध्ये पुन्हा एकदा तूप गरम करून त्यात वाटीभर रवा टाकून व्यवस्थित लाल होईपर्यंत भाजा. तयार केलेल्या केळीच्या मिश्रणात भाजलेले रवा टाकून मिक्स करून घ्या.
• नंतर त्यात केशर दूध टाकून मिक्स करा. सगळ्यात शेवटी भाजून घेतलेले काजू बदाम तुकडे घालून व्यवस्थित मिक्स करून घ्या.
• तयार केलेले मिश्रण ताटात काढून हलकेसे थंड झाल्यानंतर हाताने मिस्क करा. मोदकाच्या साच्याला तूप लावून त्यात तयार केलेले सारण भरून मोदक काढून घ्या.
• तयार आहेत सोप्या पद्धतीमध्ये बनवलेले खमंग चविष्ट केळी मोदक.