रविवार होईल आणखीनच स्पेशल! दुपारच्या जेवणात मालवणी पद्धतीमध्ये बनवा आंबटतिखट बांगड्याचं तिखलं, नोट करून घ्या रेसिपी

मालवणी मसाल्यांचा वापर करून बनवलेले पदार्थ सगळ्यांचं खूप जास्त आवडतात. त्यामुळे आज आम्ही तुम्हाला सोप्या पद्धतीमध्ये बांगड्याचे तिखलं बनवण्याची सोपी रेसिपी सांगणार आहोत.

रविवार म्हणजे सगळ्यांसाठी सुट्टीचा दिवस. सुट्टीच्या दिवशी दुपारच्या जेवणात किंवा नाश्त्यामध्ये नेमकं काय बनवावं? असे अनेक प्रश्न महिलांना सतत पडत असतात. नेहमी नेहमी जेवणात तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही रविवारी बऱ्याच घरांमध्ये नॉनव्हेज पदार्थ बनवले जातात. त्यामध्ये अंडी, मासे, चिकन इत्यादी अनेक पदार्थांची मेजवानी असते. कोकणातील प्रत्येक घरात रविवारच्या दिवशी झणझणीत माशांचा बेत केला जातो. लहान मुलांपासून अगदी मोठ्यांपर्यंत सगळ्यांचं मासे खायला खूप आवडतात. त्यामुळे आज आम्ही तुम्हाला मालवणी पद्धतीमध्ये बांगड्याचं तिखलं बनवण्याची सोपी रेसिपी सांगणार आहोत. या पद्धतीमध्ये बनवलेले मासे चवीला अतिशय सुंदर लागतात. बांगडा मासा चवीला अतिशय सुंदर लागतो. चला तर जाणून घेऊया मालवणी पद्धतीमध्ये बांगड्याचं तिखलं बनवण्याची सोपी रेसिपी. यापद्धतीने बनवलेले मासे चवीला अतिशय सुंदर लागतील.(फोटो सौजन्य – pinterest)

चिकन लव्हर्ससाठी खास; घरी बनवा स्पाइसी आणि टेस्टी Chicken Shawarma

साहित्य:

• स्वच्छ साफ करून घेतलेला बांगडा
• ओल खोबरं
• लाल तिखट
• त्रिफळा
• हळद
• मीठ
• कोकम
• लाल मिरच्या
• धणे
• कांदा
• लसूण
• कढीपत्ता

कडक उन्हाळ्यात लहान मुलांसाठी झटपट बनवा संत्र्याचे थंडगार आईस्क्रीम, बाजारातील चव विसरूनच जाल

कृती:

• मालवणी पद्धतीमध्ये बांगड्याचं तिखलं बनवण्यासाठी सर्वप्रथम, बांगडा मासा स्वच्छ साफ करून त्यावर हळद, मीठ आणि कोकम आगळ लावून बाजूला ठेवून द्या.
• मसाला तयार करताना मिक्सरच्या भांड्यात किसून घेतलेलं ओल खोबर, लाल मिरच्या, भिजवलेली त्रिफळा, भिजवलेले धणे, लसूण पाकळ्या आणि बारीक चिरलेला कांदा घेऊन मिक्सरमधून बारीक पेस्ट वाटून घ्या.
• टोपात तेल गरम करून त्यात बारीक चिरून घेतलेला लसूण आणि कढीपत्ता टाका. त्यानंतर वरून लाल तिखट आणि हळद टाकून मिक्स करा.
• तयार करून घेतलेलं वाटप मसाल्यात टाकून तेल सुटेपर्यंत भाजून घ्या. त्यानंतर त्यात आवश्यकतेनुसार अर्धा पेला पाणी घालून वरून कोकम टाकून मिक्स करा.
• मसाला व्यवस्थित शिजल्यानंतर कोकम लावून ठेवलेले बांगडे टाकून ५ मिनिटं झाकण मारून तसेच ठेवा.
• तयार आहे सोप्या पद्धतीमध्ये बनवलेले बांगड्याचं तिखलं. हा पदार्थ तांदळाच्या भाकरीसोबत किंवा भातासोबत सुंदर लागेल.