सकाळच्या नाश्त्यात सोप्या पद्धतीमध्ये बनवा हेल्दी आणि टेस्टी बीट पनीर कबाब, वाचा सोपी रेसिपी

लहान मुलांना बीट खायला आवडत नाही. अशावेळी तुम्ही मुलांना बीट पनीर कबाब बनवून देऊ शकता. तुम्ही बनवलेला हा पदार्थ घरातील लहान मुलांपासून मोठ्यांपर्यंत सगळ्यांना नक्कीच आवडेल. जाणून घेऊया रेसिपी.

सकाळच्या नाश्त्यात अनेकदा काय खावं हे सुचत नाही. अनेक घरांमध्ये सकाळच्या नाश्त्यात बाहेरून विकत आणलेल्या पदार्थांचे सेवन केले जाते. पण बाहेरच्या पदार्थांचे सेवन केल्यामुळे आरोग्याला हानी पोहचण्याची शक्यता असते. लहान मुलांसह मोठ्यांसुद्धा बीट खायला आवडत नाही. पण बीटमध्ये मोठ्या प्रमाणावर लोह आढळून येते, ज्यामुळे शरीरातील रक्ताची कमतरता भरून निघते. दैनंदिन आहारात बीट खाल्यामुळे आरोग्याला अनेक फायदे होतात. त्यामुळे आज आम्ही तुम्हाला सोप्या पद्धतीमध्ये बीट पनीर कबाब बनवण्याची सोपी रेसिपी सांगणार आहोत. सकाळच्या वेळी पोटभर नाश्ता केल्यास दीर्घकाळ पोट भरलेले राहते आणि आरोग्यालासुद्धा फायदे होतात. सकाळच्या वेळी पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. चला तर जाणून घेऊया बीट पनीर कबाब बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• बीट
• पनीर
• बटाटा
• गाजर
• कांदा
• आलं लसूण पेस्ट
• मीठ
• आमचूर पावडर
• धणे पावडर

नवनवीन रेसिपीसाठी इथे क्लिक करा

कृती:

• बीट पनीर कबाब बनवण्यासाठी सर्वप्रथम, बीटची साल काढून बीट किसून घ्या किंवा मिक्समधून बारीक करून घ्या.
• बाऊलमध्ये उकडवून घेतलेला बटाटा मॅश करून घ्या. त्यानंतर त्यात बीट, गाजर, बारीक चिरून घेतलेला कांदा टाकून व्यवस्थित मिक्स करा.
• नंतर त्यात किसून घेतलेले पनीर, धणे पावडर, आमचूर पावडर आणि चवीनुसार मीठ टाकून मिक्स करून घ्या.
• तयार केलेल्या मिश्रणाचे कबाब बनवून पॅनमधून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले बीट पनीर कबाब. हे कबाब तुम्ही हिरव्या चटणी सोबत खाऊ शकता.