दिवसाची सुरुवात होईल आनंदी! सकाळच्या नाश्त्यात झटपट बनवा ताकातलं धिरडं, नोट करून घ्या रेसिपी

सकाळच्या नाश्त्यात कांदापोहे, उपमा, शिरा खाऊन कंटाळा आला असेल तर तुम्ही सोप्या पद्धतीमध्ये ताकातलं धिरडे बनवू शकता. हा पदार्थ चवीला अतिशय सुंदर लागतो. जाणून घ्या ताकातलं धिरडं बनवण्याची सोपी रेसिपी.

सकाळच्या नाश्त्यात कायमच हेल्दी आणि टेस्टी पदार्थ खाण्यास सगळ्यांचं हवे असतात. बऱ्याचदा सकाळचा नाश्ता बाहेरून विकत आणून खाल्ला जातो. मेदुवडा, वडापाव, सामोसा इत्यादी अनेक वेगवेगळे पदार्थ खाल्ले जातात. पण कायमच तेलकट पदार्थांचे सेवन केल्यामुळे शरीरात ऍसिडिटी वाढण्याची शक्यता असते. याशिवाय अपचनाच्या बऱ्याच समस्या उद्भवतात. त्यामुळे सकाळच्या नाश्त्यात कायमच घरी बनवलेल्या पौष्टिक पदार्थांचे सेवन करावे. पण अनेक लोक वजन वाढेल या भीतीने सकाळचा नाश्ता करणे टाळतात. यामुळे वजन आणखीनच वाढण्याची शक्यता असते. वजन नियंत्रणात ठेवण्यासाठी कायमच हेल्दी पदार्थ खावेत. आज आम्ही तुम्हाला सकाळच्या नाश्त्यासाठी सोप्या पद्धतीमध्ये ताकातलं धिरडं बनवण्याची सोपी रेसिपी सांगणार आहोत. हा पदार्थ कमी साहित्यामध्ये झटपट तयार होतो. याशिवाय धिरडं खाल्यामुळे पोट दीर्घकाळ भरलेले राहते आणि लवकर भूक लागत नाही. ताक आरोग्यासाठी अतिशय गुणकारी ठरते. जाणून घ्या ताकातलं धिरडं बनवण्याची सोपी रेसिपी.(फोटो सौजन्य – pinterest)

थंडीच्या दिवसांमध्ये शरीराची ऊर्जा वाढवण्यासाठी ‘या’ पद्धतीने बनवा मिक्स भाज्यांचे झणझणीत सूप, शरीरात कायम टिकून राहील ऊर्जा

साहित्य:

• ताक
• कांदा
• टोमॅटो
• हिरवी मिरची
• मीठ
• कोथिंबीर
• हळद
• गरम मसाला
• बेसन पीठ
• ज्वारीचं पीठ
• तांदळाचे पीठ
• तेल

दोडक्याची साल फेकून देता? मग पारंपरिक पद्धतीने घरी बनवा सालींची सुकी चटणी, नोट करून घ्या रेसिपी

कृती:

• ताकातलं धिरडं बनवण्यासाठी सर्वप्रथम, मोठ्या वाटीमध्ये बारीक चिरलेला कांदा, गाजर, टोमॅटो, बारीक चिरलेली हिरवी मिरची आणि कोथिंबीर घालून व्यवस्थित मिक्स करून घ्या.
• मिक्स करून झाल्यानंतर त्यात चवीनुसार मीठ, तांदळाचे पीठ, ज्वारीचे पीठ, बेसन आणि हळद टाकून मिक्स करा.
• सगळ्यात शेवटी पीठ भिजवताना त्यात ताक ओतून बॅटर तयार करा. आवश्यकतेनुसार पिठात ताक ओतावे, अन्यथा मिश्रण खूप जास्त पातळ होईल.
• पॅन गरम करून त्यावर तेल पसरवून घ्या. वरून तयार केलेले पीठ एकसमान गोलाकार पसरवून दोन्ही बाजूने खरपूस भाजा.
• तयार आहे सोप्या पद्धतीमध्ये बनवलेले ताकातलं धिरडं. हा पदार्थ हिरव्या चटणीसोबत किंवा दह्यासोबत तुम्ही खाऊ शकता.