उन्हाळ्यात दुपारच्या जेवणासाठी बनवा पारंपरिक ताकातला बटाटा, एकदा खाल्ल्यानंतर पुन्हा होईल भाजी खाण्याची इच्छा

उन्हाळ्याच्या दिवसांमध्ये ताक आवर्जून प्यायले जाते. त्यामुळे ताकाचा वापर करून तुम्ही सोप्या पद्धतीमध्ये ताकातला बटाटा बनवू शकता. ही भाजी गरमागरम भाकरी किंवा भातासोबत तुम्ही खाऊ शकता.

दुपारच्या जेवणात नेहमीच काय भाजी बनवावी? असा प्रश्न सर्वच महिलांना कायमच पडतो. नेहमीच त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा होते. उन्हाळा ऋतूला सुरुवात झाल्यानंतर आहारात वेगवेगळ्या फळे, भाज्यांचे सेवन करावे. सहज पचन होणाऱ्या भाज्यांचे सेवन केल्यास शरीराला फायदे होतात. आज आम्ही तुम्हाला पारंपरिक पद्धतीमध्ये ताकातला बटाटा बनवण्याची सोपी रेसिपी सांगणार आहोतताकातल्या बटाट्याची भाजी तुम्ही गरमागरम भातासोबत किंवा भाकरीसोबत अतिशय सुंदर लागते. ही भाजी तुम्ही कमीत कमी साहित्य आणि कमी वेळात बनवू शकता. रेडी टू इट पदार्थांची मोठी क्रेझ वाढली आहे. त्यामुळे अनेक लोक कायमच बाजारातून विकत आणलेले पदार्थ खातात. पण नेहमीच विकतचे पदार्थ खाण्याऐवजी घरी बनवलेले पारंपरिक पदार्थ सुद्धा खावेत. चला तर जाणून घेऊया ताकातला बटाटा बनवण्याची सोपी रेसिपी.(फोटो सौजन्य – pinterest)

साखरेचा पाक किंवा माव्याचा वापर न करता घरीच बनवा चविष्ट नारळाचे लाडू, मिठाईवाल्यांसारखी लागेल चव

साहित्य:

• बटाटा
• दही
• लाल तिखट
• हळद
• मीठ
• धणे जिरं पावडर
• लाल सुकी मिरची
• लसूण
• कोथिंबीर
• तेल

उन्हाळी डेझर्ट! थंडगार पदार्थ खाण्याची इच्छा झाल्यास झटपट बनवा नैसर्गिक गोडवा असलेले शहाळ्याचे आईस्क्रीम

कृती:

• ताकातला बटाटा बनवण्यासाठी सर्वप्रथम, कुकरमधून बटाटा शिजवून घ्या. वाटीमध्ये दही घेऊन त्यात थोडस पाणी घालून गुठळ्या मोडा.
• मिक्सरच्या भांड्यात लसूण, लाल सुक्या मिरच्या, कोथिंबीर आणि थोडस पाणी घालून पेस्ट तयार करा.
• कढईमध्ये तेल गरम करून त्यात जिरं घालून भाजून घ्या. त्यानंतर त्यात लसूण पेस्ट घालून तेलावर खमंग भाजा.
• त्यानंतर त्यात लाल तिखट मसाला, हळद, धणे जिरं पावडर आणि चवीनुसार मीठ घालून व्यवस्थित मिक्स करा.
• तयार केलेल्या मिश्रणात बटाट्याचे तुकडे घालून काहीवेळ वाफेवर शिजवा. त्यानंतर त्यात ताक आणि थोडस पाणी घालून मिक्स करून घ्या.
• भाजीला एक उकळी आल्यानंतर गॅस बंद करून त्यात बारीक चिरून घेतलेली कोथिंबीर घालून व्यवस्थित मिक्स करा.
• तयार आहे सोप्या पद्धतीमध्ये बनवलेली ताकातली बटाटा भाजी.