Food Recipe: कमीत कमी वेळात दुपारच्या जेवणासाठी बनवा स्वादिष्ट अमृतसरी पनीर भुर्जी; प्रत्येक घासाला मिळेल भन्नाट चव

Food Recipe: पनीरपासून वेगवेगळे पदार्थ बनवले जातात. त्यामुळे दुपारच्या जेवणासाठी किंवा इतर वेळी तुम्ही गरमागरम अमृतसरी पनीर भुर्जी बनवू शकता. हा पदार्थ चवीला अतिशय सुंदर लागतो. चला तर जाणून घेऊया रेसिपी.

Food Recipe: सकाळच्या डब्यापासून ते अगदी रात्रीच्या जेवणापर्यंत नेहमीच काय भाजी बनवावी? असे अनेक प्रश्न सर्वच महिलांना कायमच पडतात. त्याच ठराविक भाज्या खाऊन कंटाळा आल्यानंतर काहींना काही नवीन खाण्याची इच्छा झाल्यास विकतची भाजी आणून खाल्ली जाते. जेवणात पनीरपासून बनवलेले पदार्थ आवर्जून खाल्ले जातात. पनीर पुलाव, पनीर बिर्याणी इत्यादी अनेक पदार्थ आवडीने खाल्ले जातात. पण आज आम्ही तुम्हाला गरमागरम चपातीसोबत खाण्यासाठी अमृतसरी पनीर भुर्जी बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो आणि चव सुद्धा मस्त लागते. पनीर भुर्जी आणि गरमागरम चपाती हे कॉम्बिनेशन चवीला अतिशय भन्नाट लागते. चला तर जाणून घेऊया स्वादिष्ट अमृतसरी पनीर भुर्जी बनवण्याची रेसिपी.(फोटो सौजन्य – pinterest)

Recipe : मासेप्रेमींसाठी खास, अशाप्रकारे टिफिनसाठी बनवा टेस्टी प्राॅन्स रोल, रेसिपी आहे सोपी

साहित्य:

• पनीर
• टोमॅटो
• कांदा
• लाल तिखट
• हळद
• बेसन
• कसुरी मेथी
• चाट मसाला
• पावभाजी मसाला
• काळीमिरी पावडर
• जिरं पावडर
• कोथिंबीर
• तेल
• हिरवी मिरची
• बटर
• दही

Recipe : हॉटेलसारखी मिक्स व्हेज भाजी घरीच बनवा; जाणून घ्या सोपी रेसिपी

कृती:

• अमृतसरी पनीर भुर्जी बनवण्यासाठी सर्वप्रथम, वाटीमध्ये दही घेऊन फेटून घ्या. दह्यात अजिबात गुठळ्या ठेवू नये.
• कढईमध्ये कसुरी मेथी आणि बेसन वेगवेगळे भाजून घ्या. भाजल्यामुळे पदार्थाचा सुगंध वाढतो. त्याच कढईमध्ये पुन्हा एकदा तेल गरम करण्यासाठी ठेवा.
• गरम तेलात हळद, लाल तिखट, भाजलेले बेसन, कसुरी मेथी, काळीमिरी पावडर, जिरे पावडर, चाट मसाला, पाव भाजी मसाला आणि फेटून घेतलेले दही घालून मिक्स करा. तयार केलेल्या मिश्रणात आवश्यकता वाटल्यास पाणी घालावे.
• कढईमध्ये तेल आणि बटर एकत्र गरम करून घ्या. त्यानंतर त्यात हिरवी मिरची, जिरं आणि ठेचून घेतलेला लसूण घालून लालसर होईपर्यंत भाजा.
• त्यानंतर त्यात बारीक चिरून घेतलेला कांदा, टोमॅटो आणि चवीनुसार मीठ घालून शिजवून घ्या. शिजलेल्या कांद्याच्या मिश्रणात तयार केलेली ग्रेव्ही ओतून मंद आचेवर तेल सुटेपर्यंत भाजा.
• ग्रेव्ही शिजण्यासाठी त्यात थोडस पाणी घाला आणि मंद आचेवर शिजवून घ्या. त्यानंतर त्यात बारीक करून घेतलेला पनीर घाला आणि गॅस मंद आचेवर ठेवून मिक्स करा.
• सगळ्यात शेवटी बुर्जी शिजल्यानंतर त्यात बारीक चिरून घेतलेली कोथिंबीर घालून सर्व्ह करा.
• तयार आहे झटपट बनवलेली अमृतसरी पनीर भुर्जी. हा पदार्थ घरातील सगळ्यांचं खूप जास्त आवडेल.