लहान मुलांच्या डब्यासाठी झटपट बनवा खमंग कुरकुरीत कोबीचे थालीपीठ, दह्यासोबत लागतील चविष्ट

लहान मुलांना डब्यात कायमच चमचमीत पदार्थ खाण्यास हवे असतात. अशावेळी तुम्ही सोप्या पद्धतीमध्ये झटपट कोबीचे थालीपीठ बनवू शकता. हा पदार्थ दही किंवा सॉससोबत चविष्ट लागतो.

लहान मुलांपासून अगदी मोठ्यांपर्यंत अनेकांना भाज्या खायला अजिबात आवडत नाही. भाज्यांचे नाव ऐकल्यानंतर मुलं नाक मुरडतात. पालेभाज्या किंवा फळभाज्या खाण्यास नकार देतात. पण दैनंदिन आहारात भाज्यांचे सेवन न केल्यामुळे शरीराला योग्य पोषण मिळत नाही. त्यामुळे आहारात सर्वच पदार्थांचे आवडीने सेवन करावे. कोबीची भाजी पाहिल्यानंतर मुलं कायमच नकार देतात. ही भाजी अनेकांना खायला अजिबात आवडत नाही. कोबीच्या भाजीचा उग्र वास आणि पांचट चवीमुळे भाजी खाल्ली जात नाही. या भाजीमध्ये भरपूर प्रमाणात पाणी आणि फायबर आढळून येते. फायबरयुक्त भाज्यांचे आहारात सेवन केल्यास शरीराला भरमसाट फायदे होतात. म्हणूनच आज आम्ही तुम्हाला लहान मुलांच्या डब्यासाठी कोबीचे थालीपीठ बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. याशिवाय थालीपीठ खायला सगळ्यांचं खूप जास्त आवडते. चला तर जाणून घेऊया कोबी थालीपीठ बनवण्याची सोपी रेसिपी.(फोटो सौजन्य – istock)

तोंडाला पाणी आणणारी दही पापडी चाट घरी कशी बनवायची? आजच नोट करा हलवाईवाली रेसिपी

साहित्य:

• कोबीची भाजी
• बाजरी पीठ
• हिरवी मिरची
• लाल तिखट
• हळद
• मीठ
• आलं लसूण पेस्ट
• बेसन
• कॉनफ्लोअर
• तेल
• मीठ
• काळीमिरी पावडर

साखर माव्याचा अजिबात वापर न करता झटपट बनवा हेल्दी टेस्टी खजूर बर्फी, नोट करून घ्या रेसिपी

कृती:

• कोबीचे थालीपीठ बनवण्यासाठी, कोबी स्वच्छ धुवून बारीक चिरून घ्या. त्यानंतर कोबीला मीठ लावून काहीवेळ तसेच ठेवा. यामुळे कोबीमधील अतिरिक्त पाणी निघून जाईल.
• मोठ्या वाटीमध्ये कोबी, कोथिंबीर, हिरवी मिरची, आलं लसूण पेस्ट आणि लाल मिरची पावडर, बेसन, कॉनफ्लोअर, मीठ, काळीमिरी पावडर घालून व्यवस्थित मिक्स करा.
• तयार केलेले पीठ व्यवस्थित मिक्स करून झाल्यानंतर काहीवेळ तसेच ठेवा.
• थालीपीठ बनवण्यासाठी कॉटनचा कपडा ओला करून त्यावर पिठाचा गोळा घेऊन हलक्या हाताने थालीपीठ बनवा. तयार केलेले थालीपीठ गरम तव्यावर भाजण्यासाठी टाका.
• दोन्ही बाजूने भाजल्यानंतर बाजूने तेल सोडून थालीपीठ कुरकुरीत भाजा. तयार आहे सोप्या पद्धतीमध्ये बनवलेले कोबी थालीपीठ.