Breakfast : सकाळच्या नाश्त्यासाठी बनवा पाैष्टीक आणि चविष्ट ‘गाजराचे थालीपीठ’, टीफिनसाठी रेसिपी ठरेल परफेक्ट

Thalipeeth Recipe : सकाळच्या नाश्त्यासाठी खरपूस भाजलेले थालिपीठ एक चांगला पर्याय ठरतो. याची चव लहानांपासून मोठ्यांपर्यंत सर्वांनाच फार आवडते. मुलांच्या टिफीनसाठीही ही रेसिपी एक चांगला पर्याय ठरते.

(फोटो सौजन्य: Youtube)

Follow Us:

Follow Us:

• थालीपीठ हा महाराष्ट्राच्या खाद्यसंस्कृतीतील एक लोकप्रिय पदार्थ आहे.
• हा पदार्थ फक्त चवीलाच चांगला लागत नाही तर आरोग्यासाठीही पाैष्टीक ठरतो.
• आज या लेखात आपण गाजराचे थालिपीठ कसे तयार करायचे ते जाणून घेणार आहोत.

Paneer Corn Sandwich: झटपट आणि हेल्दी नाश्ता हवा? मग ट्राय करा पनीर- कॉर्न सँडविच, वाचा सोपी रेसिपी

गाजर थालीपीठ हा नाश्ता, डब्यासाठी किंवा संध्याकाळच्या हलक्या जेवणासाठी उत्तम पर्याय आहे. घरातील लहानांपासून मोठ्यांपर्यंत सर्वांना आवडणारा हा पदार्थ कमी वेळात तयार होतो आणि रोजच्या आहारात पौष्टिक बदल घडवून आणतो. चला रेसिपी जाणून घेऊया.

साहित्य

• २ कप थालीपीठ भाजणी
• १ कप किसलेले गाजर
• १ बारीक चिरलेला कांदा
• २ हिरव्या मिरच्या बारीक चिरलेल्या
• २ टेबलस्पून बारीक चिरलेली कोथिंबीर
• १ टीस्पून जिरे
• १/२ टीस्पून हळद
• १ टीस्पून लाल तिखट
• चवीनुसार मीठ
• आवश्यकतेनुसार पाणी
• १ चमचा तिळ
• थालीपीठ भाजण्यासाठी तेल किंवा तूप

कृती

• मोठ्या भांड्यात थालीपीठ भाजणी घ्या. त्यात किसलेले गाजर, कांदा, हिरव्या मिरच्या, कोथिंबीर, जिरे, हळद, लाल तिखट, तिळ आणि मीठ घालून सर्व साहित्य व्यवस्थित एकत्र करा.
• आता थोडे-थोडे पाणी घालत मऊसर पण घट्टसर पीठ मळून घ्या. पीठ १० मिनिटे झाकून ठेवा, त्यामुळे भाजणी आणि गाजर एकजीव होतील.
• तवा गरम करून त्याला हलके तेल लावा. केळीच्या पानावर, प्लास्टिक शीटवर किंवा ओल्या कापडावर पिठाचा गोळा ठेवून हाताने थालीपीठ थापा आणि मध्ये तसेच बाजूला लहान छिद्रे करा.
• थापलेले थालीपीठ काळजीपूर्वक गरम तव्यावर टाका. छिद्रांमध्ये आणि कडेला थोडे तेल किंवा तूप सोडा.
• मध्यम आचेवर झाकण ठेवून ३ ते ४ मिनिटे भाजा. नंतर थालीपीठ उलटून दुसरी बाजूही सोनेरी आणि खरपूस होईपर्यंत भाजून घ्या.
• अशाच प्रकारे उरलेल्या पिठाची सर्व थालीपीठे तयार करा. प्रत्येक वेळी तव्यावर थोडे तेल लावल्यास थालीपीठ छान भाजले जाते.
• गरमागरम गाजर थालीपीठ दही, लोणी, तूप, लोणचे किंवा हिरव्या चटणीसोबत सर्व्ह करा.

Web Title: How to make carrot thalipeeth at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com