फ्लॉवरची भाजी पाहून नाक मुरडता? मग सोप्या पद्धतीमध्ये बनवा फ्लॉवरची कुरकुरीत भजी, नोट करून घ्या रेसिपी

लहान मुलांपासून अगदी मोठ्यांपर्यंत सगळ्यांचं भजी खायला खूप आवडते. भजीचे नाव घेतल्यानंतर अनेकांच्या तोंडाला पाणी सुटते. त्यामुळे आज आम्ही तुम्हाला सोप्या पद्धतीमध्ये फ्लॉवर भजी बनवण्याची सोपी रेसिपी सांगणार आहोत.

सर्वच ऋतूंमध्ये बाजारात भाज्या उपलब्ध असतात. भाज्यांचे सेवन करणे आरोग्यासाठी अतिशय पौष्टिक आणि प्रभावी आहे. दैनंदिन आहारात फळभाज्या, पालेभाज्या इत्यादी भाज्यांचे नियमित सेवन केल्यास आरोग्यसंबंधित कोणतीही गंभीर समस्या उद्भवणार नाही. मात्र लहान मुलांपासून ते अगदी मोठ्यांपर्यंत अनेकांना भाज्या खायला आवडत नाही, फ्लॉवर किंवा कोबी, शिमला मिरची इत्यादी भाज्यांचे नाव घेतल्यानंतर अनेक लोक नाक मुरडतात. फ्लॉवर भाजी खायला अनेकांना आवडत नाही. त्यामुळे आज आम्ही तुम्हाला फ्लॉवरच्या भाजीपासून कुरकुरीत भजी बनवण्याची सोपी रेसिपी सांगणार आहोत. ही भजी चवीला अतिशय सुंदर लागते. लहान मुलांच्या डब्यात तुम्ही फ्लॉवरची भजी देऊ शकता. चला तर जाणून घेऊया कमीत कमी साहित्य फ्लॉवर भजी बनवण्याची सोपी रेसिपी. (फोटो सौजन्य – iStock)

Gudi Padwa 2025: सणानिमित्त करा खास बेत, घरच्या घरी बनवा गोड थंडगार आम्रखंड; फार सोपी आहे रेसिपी

साहित्य:

• फ्लॉवर
• मीठ
• तेल
• लाल तिखट
• तांदळाचे पीठ
• बेसन
• जिऱ्याची पावडर
• पाणी
• आलं लसूण पेस्ट

Raw Mango Chutney: कैरीपासून बनवा आंबट-गोड चटणी; जेवणाची चव आणखीन वाढेल

कृती:

• फ्लॉवरची भजी बनवण्यासाठी सर्वप्रथम, फ्लॉवर स्वच्छ धुवून साफ करून फ्लॉवरचे मध्यम आकाराचे तुकडे करा.
• गरम पाणी करून त्यात काढून घेतलेले फ्लॉवरचे तुकडे आणि चवीनुसार मीठ टाकून काहीवेळ उकळवून घ्या.
• वाटीमध्ये तांदळाचे पीठ, बेसन, लाल तिखट, हळद आणि चवीनुसार मीठ टाकून मिक्स करा.
• नंतर त्यात जिऱ्याची पावडर, आलं लसूण पेस्ट आणि आवश्यकतेनुसार पाणी घालून जाडसर पेस्ट बनवा.
• तयार करून घेतलेल्या पेस्टमध्ये फ्लॉवरचे तुकडे व्यवस्थित घोळवून कढईमधील गरम तेलात फ्राय करा.
• तयार आहे सोप्या पद्धतीमध्ये बनवलेली फ्लॉवर भजी. हा पदार्थ घरातील सगळ्यांचं नक्की आवडेल.