नाताळनिमित्त लहान मुलांसाठी घरी सोप्या पद्धतीमध्ये बनवा चॉकलेट मफिन्स केक, वाचा सोपी रेसिपी

नाताळ सणाच्या दिवशी बाहेरून विकत आणलेला केक खाण्यापेक्षा घरी बनवलेला केक खावा. त्यामुळेच आज आम्ही तुम्हाला सोप्या पद्धतीमध्ये चॉकलेट मफिन्स बनवण्याची सोपी रेसिपी सांगणार आहोत. चला तर जाणून घेऊया रेसिपी.

भारतासह इतर सर्वच देशांमध्ये नाताळ सण मोठ्या आनंद आणि उत्साहात साजरा केला जातो. नाताळ सणाच्या दिवशी घरी अनेक वेगवेगळे पदार्थ बनवले जातात. घरी आलेल्या पाहुण्यांना आणि लहान मुलांना केक खाण्यास दिला जातो. नाताळ सण म्हणजे कुटुंब आणि मित्र परिवारासोबत आनंद आणि उत्साह साजर करणे. त्यामुळे आज आम्ही तुम्हाला सोप्या पद्धतीमध्ये चॉकलेट मफिन्स बनवण्याची सोपी रेसिपी सांगणार आहोत. चॉकलेट लहान मुलांपासून मोठ्यांपर्यंत सगळ्यांचं खूप आवडते. त्यामुळे तुम्ही कमीत कमी वेळात आणि कमी साहित्यामध्ये तुम्ही मफिन्स बनवू शकता. बाहेरून महागाचे केक विकत आणण्यापेक्षा घरी बनवलेला केक आरोग्याच्या दृष्टीने अतिशय पौष्टिक आहे. चला तर जाणून घेऊया चॉकलेट मफिन्स बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• मैदा
• साखर
• कोको पावडर
• बेकिंग सोडा
• बेकिंग पावडर
• मीठ
• अंड
• दूध
• व्हॅनिला इसेन्स
• चॉकलेट चिप्स
• वितळलेलं लोणी

नवनवीन रेसिपीसाठी इथे क्लिक करा

कृती:

• चॉकलेट मफिन्स बनवण्यासाठी सर्वप्रथम, मोठ्या भांड्यात मैदा, साखर, कोको पावडर, बेकिंग सोडा, बेकिंग पावडर आणि चवीनुसार मीठ टाकून मिक्स करा.
• त्यानंतर बाऊलमध्ये वितळलेले लोणी, अंडी, दूध आणि व्हॅनिला इसेन्स टाकून पुन्हा एकदा व्यवस्थित फेटून घ्या.
• त्यात तयार करून घेतलेलं सर्व साहित्य हळूहळू मिक्स करून घ्या. संपूर्ण पीठ ओतून झाल्यानंतर व्यवस्थित मिक्स करा.
• नंतर त्यात चॉकलेट चिप्स टाकून मिक्स करून हलक्या हाताने फिरवून घ्या.
• तयार करून घेतलेले सर्व मिश्रण मफिन टिनमध्ये व्यवस्थित भरून ओव्हनमध्ये केक बेक होण्यासाठी ठेवा.
• 20 मिनिटं केक बेक झाल्यानंतर केक कडांपासून मोकळा होईल. तयार केलेला केक थंड झाल्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेला चॉकलेट केक.