उन्हाळी डेझर्ट! थंडगार पदार्थ खाण्याची इच्छा झाल्यास झटपट बनवा नैसर्गिक गोडवा असलेले शहाळ्याचे आईस्क्रीम

उन्हाळा ऋतूला सुरुवात झाल्यानंतर घरच्या घरी तुम्ही थंडगार शहाळ्याचे आईस्क्रीम बनवू शकता. हा पदार्थ चवीला अतिशय सुंदर लागतो. चला तर जाणून घेऊया शहाळ्याचे आईस्क्रीम बनवण्याची रेसिपी.

उन्हाळा ऋतूला सुरुवात झाल्यानंतर थंड पदार्थांच्या मागणीमध्ये मोठी वाढ होते. उन्हात कुठेही बाहेर फिरायला गेल्यानंतर आईस्क्रीम, कोल्ड्रिंक किंवा कोणत्याही फळांचा रस अतिशय आवडीने प्यायला जातो. पण नेहमीच विकतचे आईस्क्रीम खाण्याऐवजी तुम्ही घरी सोप्या पद्धतीमध्ये आणि कमीत कमी साहित्यात आईस्क्रीम बनवू शकता. आज आम्ही तुम्हाला नैसर्गिक गोडवा असलेले शहाळ्याचे आईस्क्रीम बनवण्याची सोपी रेसिपी सांगणार आहोत. बाजारात मिळणाऱ्या आईस्क्रीममध्ये मोठ्या प्रमाणावर साखर आणि नैसर्गिक रंगांचा वापर केला जातो. हे आईस्क्रीम खाल्ल्यानंतर लगेच सर्दी किंवा खोकला होण्याची जास्त शक्यता असते. त्यामुळे विकतचे आईस्क्रीम आणून खाण्यापेक्षा घरी बनवलेला आईस्क्रीम खावे. मलाईदार शहळ्यापासून बनवलेले आईस्क्रीम चवीला अतिशय सुंदर लागते. पोटात वाढलेली उष्णता कमी करण्यासाठी आणि शरीरात थंडावा टिकवून ठेवण्यासाठी आईस्क्रीम खाण्याचा सल्ला दिला जातो. चला तर जाणून घेऊया शहाळ्याचे आईस्क्रीम बनवण्याची सोपी कृती.(फोटो सौजन्य – pinterest)

मोहब्बतचा नाही यावेळी घरी बनवा ‘नफरतचा शरबत’, बनवा आणि चव एकदा चाखून तर बघा

साहित्य:

• मऊ खोबर
• शहाळ्याचे पाणी
• काजू
• मलाई
• साखर
• सुका मेवा

साधे पाव खाऊन कंटाळा आला आहे? मग १० मिनिटांमध्ये झटपट बनवा झणझणीत ठेचा पाव, वाढेल जिभेची चव

कृती:

• शहाळ्याचे आईस्क्रीम बनवण्यासाठी सर्वप्रथम, नारळातील पाणी आणि मऊ खोबर सुरीच्या सहाय्याने काढून घ्या.
• त्यानंतर खोबऱ्याचे बारीक तुकडे करा. वाटीमध्ये पाणी घेऊन त्यात काहीवेळा काजू भिजत ठेवा.
• मिक्सरच्या भांड्यात शहाळ्याचे तुकडे, भिजवलेले काजू, मलाई, नारळाचे पाणी, पिठीसाखर घालून बारीक पेस्ट तयार करा.
• तयार केलेले मिश्रण नारळाच्या वाट्यांमध्ये किंवा आईस्क्रीम मोल्डमध्ये टाकून वरून बारीक केलेले खोबऱ्याचे तुकडे आणि सुका मेवा घालून फ्रिजमध्ये आईस्क्रीम ६ तास सेट होण्यासाठी ठेवा.
• ६ तासानंतर आईस्क्रीम खाण्यासाठी सर्व्ह करू शकता.
• तयार आहे सोप्या पद्धतीमध्ये बनवलेले शहाळ्याचे आईस्क्रीम. तुम्ही बनवलेला हा पदार्थ सगळ्यांचं खूप जास्त आवडेल.