Summer Special: कडाक्याच्या उन्हाळ्यात १० मिनिटांमध्ये झटपट बनवा काकडीची चविष्ट कढी, पोटात टिकून राहील थंडावा

दुपारच्या जेवणात कायमच झणझणीत तिखट पदार्थ खाण्याऐवजी काकडीची थंडगार कढी बनवून खावी. यामुळे खाल्लेले अन्नपदार्थ सहज पचन होतात आणि आरोग्य सुधारण्यास मदत होते.

उन्हाळा ऋतूला सुरुवात झाल्यानंतर राज्याच्या वेगवेगळ्या भागात विविध पदार्थ बनवले जातात. कारण यादिवसांमध्ये शरीरात उष्णता वाढते. शरीरात वाढलेल्या उष्णतेचा संपूर्ण आरोग्यावर लगेच परिणाम दिसून येतो. त्यामुळे उन्हाळा ऋतूला सुरुवात झाल्यानंतर आहारात थंडगार पदार्थांचे सेवन करावे. उन्हाळ्यात काकडीचे आवर्जून सेवन केले जाते. काकडीमध्ये ९० टक्के पाणी असते. शरीरात निर्माण झालेली पाण्याची कमतरता भरून काढण्यासाठी काकडी खाण्याचा सल्ला दिला जातो. काकडीच्या सेवनामुळे शरीरात वाढलेली उष्णता कमी होते आणि थंडावा दीर्घकाळ टिकून राहतो. म्हणूनच आज आम्ही तुम्हाला सोप्या पद्धतीमध्ये काकडीची कढी बनवण्याची रेसिपी सांगणार आहोत. काकडी आणि दही हे आंबट पदार्थ उन्हाळ्यात आवडीने खाल्लेले जातात. गरम हवामानात थंड पदार्थांचे सेवन केल्यास शरीराला भरमसाट फायदे होतात. काकडी खाल्ल्यामुळे शरीर हायड्रेट राहण्यास मदत होते. यामध्ये असलेले गुणकारी घटक आरोग्य सुधारतात. चला तर जाणून घेऊया काकडीची कढी बनवण्याची सोपी रेसिपी.(फोटो सौजन्य – pinterest)

संध्याकाळचा चहा होईल आणखीनच मजेदार! नाश्त्यासाठी झटपट बनवा फ्राइड पोटॅटो चाट, नोट करून घ्या रेसिपी

साहित्य:

• काकडी
• लसूण
• हिरवी मिरची
• लाल सुक्या मिरच्या
• पाणी
• कढीपत्ता
• दही
• ओल्या खोबऱ्याचा किस
• कोथिंबीर
• मीठ

रव्याचा उपमा खाऊन अ‍ॅसिडिटी होते? मग १० मिनिटांमध्ये झटपट बनवा पौष्टिक नाचणीचा उपमा, शरीराला मिळेल तात्काळ ऊर्जा

कृती:

• काकडीची कढी बनवण्यासाठी सर्वप्रथम, काकडी स्वच्छ धुवून त्याच्या वरील साल काढून घ्या.
• मिक्सरच्या भांड्यात काकडीचे बारीक तुकडे, हिरवी मिरची, ओल्या खोबऱ्याचा किस, कोथिंबीर आणि थोडस पाणी घालून बारीक वाटून घ्या.
• मोठ्या वाटीमध्ये वाटीभर दही घेऊन त्यातील गुठळ्या मोडून टाका. त्यानंतर त्यात चवीनुसार मीठ आणि पाणी घालून मिक्स करा.
• तयार केलेल्या दह्यात काकडीचे मिश्रण ओतून मिक्स करा. त्यानंतर पुन्हा एकदा चमच्याने व्यवस्थित मिक्स करून घ्या.
• फोडणीच्या वाटीमध्ये तेल गरम करून त्यात जिरं आणि लाल सुक्या मिरच्या, बारीक केलेला लसूण, कढीपत्त्याची पाने घालून फोडणी भाजून घ्या.
• तयार केलेली फोडणी काकडीच्या मिश्रणात ओतून व्यवस्थित मिक्स करा आणि भातासोबत खाण्यासाठी सर्व्ह करा.
• तयार आहे सोप्या पद्धतीमध्ये बनवलेली थंडगार काकडीची चविष्ट कढी.