सर्दी खोकला कायमचा पळेल दूर! सकाळच्या नाश्त्यासाठी झटपट बनवा झणझणीत मसालेदार सूप

पावसाळ्याच्या दिवसांमध्ये सूप पिणे आरोग्यासाठी अतिशय फायद्याचे ठरते. यामुळे शरीरात वाढलेला थकवा, अशक्तपणा कमी होतो. आज आम्ही तुम्हाला आलं लसूणचा वापर करून मसालेदार सूप बनवण्याची सोपी रेसिपी सांगणार आहोत.

पावसाळ्याच्या दिवसांमध्ये काहींना सतत सर्दी, खोकला, घसा खवखवणे इत्यादी अनेक समस्या उद्भवू लागतात. या समस्या उद्भवू लागल्यानंतर डॉक्टरांच्या सल्ल्याने किंवा मेडिकलमधील गोळ्या औषधांचे सेवन केले जाते. पण नेहमीच मेडिकलमधील गोळ्या खाणे आरोग्यासाठी चांगले नाही. गोळ्या खाल्ल्यामुळे काही वेळेपुरता आराम मिळतो. मात्र पुन्हा एकदा खोकला किंवा सर्दी होते. थंडीच्या दिवसांमध्ये प्रत्येकालाच काहींना काही थंड पदार्थ खाण्याची इच्छा होते. म्हणूनच आज आम्ही तुम्हाला आलं लसूणचा वापर करून झणझणीत सूप बनवण्याची सोपी रेसिपी सांगणार आहोत. आलं लसूण खाणे आरोग्यासाठी अतिशय फायदेशीर आहे. घशात वाढलेली खवखव किंवा सर्दी खोकल्यापासून आराम मिळवण्यासाठी लसूण आणि आलं खाल्लं जाते. या पदार्थांमध्ये आयुर्वेदिक गुणधर्म असतात. चला तर जाणून घेऊया मसालेदार सूप बनवण्याची सोपी रेसिपी.(फोटो सौजन्य – istock)

रात्रीच्या जेवणाला द्या पंजाबी तडका! घरी बनवा थंडीच्या वातावरणातील लोकप्रिय डिश ‘सरसो दा साग’ नि ‘मक्के दी रोटी’

साहित्य:

• आलं
• लसूण
• मीठ
• तेल
• कांदा
• गाजर
• तेल
• लिंबाचा रस
• कोथिंबीर
• हिरवी मिरची

लहान मुलांच्या डब्यासाठी झटपट बनवा भाजलेल्या शिमला मिरचीची चटणी, नोट करून घ्या पदार्थ

कृती:

• सूप बनवण्यासाठी सर्वप्रथम, कढईमध्ये तेल गरम करून त्यात किसून घेतलेलं आलं आणि लसूण टाकून भाजून घ्या.
• त्यानंतर त्यात कांदा आणि गाजर टाकून मिक्स करा. भाज्यांमध्ये चवीनुसार मीठ टाकून मिक्स करून घ्या.
• भाज्यांना एक वाफ आल्यानंतर त्यात ३ कप पाणी घालून मिक्स करा. पाण्याला उकळी येण्यास सुरुवात झाल्यानंतर त्यात काळीमिरी पावडर घालून व्यवस्थित भाज्या शिजवा.
• सूपला उकळी आल्यानंतर वाटीमध्ये सूप काढून त्यात लिंबाचा रस आणि बारीक चिरलेली कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेले आलं लसूणचे मसालेदार सूप.