लहान मुलांसाठी सकाळच्या नाश्त्यात बनवा हाय प्रोटीन क्रिमी ग्रीन पास्ता, वाचा सोपी रेसिपी

लहान मुलांना नेहमी नेहमी तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही मुलांना नाश्त्यासाठी ग्रीन पास्ता बनवून देऊ शकता. जाणून घेऊया ग्रीन पास्ता बनवण्याची रेसिपी.

लहान मुलांना नेहमी नेहमी सकाळच्या नाश्त्यात काय खायला द्यावं? हा प्रश्न सर्वच पालकांना पडतो. अशावेळी अनेकदा मुलांना बाहेरून विकत आणलेले पदार्थ खाण्यास दिले जातात. पण सतत तेलकट किंवा तिखट पदार्थांचे सेवन केल्यामुळे मुलांचे शारीरिक आरोग्य बिघडण्याची शक्यता असते. त्यामुळे मुलांना नेहमी घरी बनवलेले पौष्टिक आणि हेल्दी पदार्थ खाण्यास द्यावे. लहान मुलं आईवडिलांकडे पिझ्झा, पास्ता खाण्याचा घट्ट करतात. पण हेच पदार्थ तुम्ही मुलांना घरीसुद्धा बनवून देऊ शकता. आज आम्ही तुम्हाला सोप्या पद्धतीमध्ये मुलांच्या आवडीचा हाय प्रोटीन क्रिमी ग्रीन पास्ता बनवण्याची सोपी रेसिपी सांगणार आहोत. हा पास्ता लहान मुलांसह मोठ्यांसुद्धा खाण्यास देऊ शकता. शिवाय पास्ता बनवणे अगदी सोपे आहे. चला तर जाणून घेऊया हाय प्रोटीन क्रिमी ग्रीन पास्ता बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• मटार
• लसूण
• हिरवी मिरची
• भिजवलेले काजू
• भिजवलेले अक्रोड
• भिजवलेले शेंगदाणे
• पनीर
• कांद्याची पात
• कोथिंबीर
• चीझ
• मीठ
• चिली फ्लेक्स
• पाणी

नवनवीन रेसिपीसाठी इथे क्लिक करा

कृती:

• हाय प्रोटीन क्रिमी ग्रीन पास्ता बनवण्यासाठी, भांड्यात पाणी गरम करून त्यात पास्ता शिजण्यासाठी टाका. त्यात थोडेसे मीठ टाकून पास्ता उकळवून घ्या.
• मिक्सरच्या भांड्यात उकडलेले वाटाणा, लसूण, हिरवी मिरची, भिजवलेले काजू, भिजवलेले अक्रोड, भिजवलेले शेंगदाणे, किसलेले पनीर, कांदा पात, कोथिंबीर टाकून बारीक वाटणं तयार करून घ्या.
• पॅनमध्ये तेल गरम करून त्यात तयार केलेली पेस्ट टाकून व्यवस्थित भाजून घ्या. त्यानंतर त्यात उकडवून घेतलेला पास्ता टाकून व्यवस्थित मिक्स करून घ्या.
• त्यानंतर त्यात चीज टाकून मिक्स करा. पास्ता व्यवस्थित शिजल्यानंतर क्रिमी टेक्श्चर तयार होईल.
• तयार आहे सोप्या पद्धतीमध्ये बनवलेला हाय प्रोटीन क्रिमी ग्रीन पास्ता.