हानिकारक केमिकल्सचा वापर न करता घरीच बनवा डाळिंबाची जेली, नोट करून घ्या सोपी रेसिपी

जेली हा पदार्थ सगळ्यांचं खूप आवडतो. याआधी तुम्ही स्ट्रॉबेरी किंवा इतर फळांची जेली खाल्ली असेल पण आज आम्ही तुम्हाला डाळिंबाच्या दाण्यांपासून जेली बनवण्याची सोपी रेसिपी सांगणार आहोत. चला तर जाणून घेऊया कृती.

लहान मुलांना भूक लागल्यानंतर किंवा डब्यात चपातीसोबत जॅम दिले जाते. चवीला गोड असलेले जॅम किंवा फ्रुट पल्प लहान मुलांपासून ते अगदी मोठ्यांपर्यंत सगळ्यांचं खूप आवडते. बाजारात वेगवेगळ्या फळांचे जॅम, जेली आणि फ्रुट पल्प उपलब्ध आहेत. मात्र हे पदार्थ बनवण्यासाठी काही प्रमाणात केमिकलयुक्त पदार्थांचा वापर केला जातो. पण केमिकल युक्त पदार्थांचे दैनंदिन आहारात सेवन करणे आरोग्यासाठी अतिशय घातक आहे. त्यामुळे आज आम्ही तुम्हाला डाळिंबाच्या दाण्यांचा वापर करून होममेड जेली बनवण्याची सोपी रेसिपी सांगणार आहोत. डाळिंब खाणे आरोग्यासाठी अतिशय गुणकारी आहे. यामध्ये असलेले घटक शरीरातील रक्ताची कमतरता दूर करतात. याशिवाय डाळिंबामध्ये असलेले इतर घटक शरीरासाठी महत्वाचे आहे. लहान मुलांसाठी बाजारातून विकत आणलेली जेली खाण्यापेक्षा घरी सोप्या पद्धतीमध्ये बनवलेली जेली नक्की बनवून पहा. चला तर जाणून घेऊया सोप्या पद्धतीमध्ये डाळिंब जेली बनवण्याची कृती.(फोटो सौजन्य – iStock)

सकाळच्या नाश्त्यासाठी सोप्या पद्धतीमध्ये बनवा Cheese Tomato Sandwich, नोट करून घ्या सिंपल रेसिपी

साहित्य:

• डाळिंब
• पाणी
• साखर
• कॉर्न फ्लॉवर
• बारीक दाण्याची साखर

मासे खाण्याची इच्छा झाल्यास दुपारच्या जेवणात कोकणी पद्धतीमध्ये बनवा मसालेदार कोळंबी भात

कृती:

• डाळिंब जेली बनवण्यासाठी सर्वप्रथम, पॅन गरम करून त्यात साखर टाकून मिक्स करा. नंतर त्यात डाळिंबाचा रस घाला.
• मिश्रणाला व्यवस्थित उकळी येईपर्यंत सतत मिक्स करत राहा.
• दुसऱ्या पॅनमध्ये कॉनफ्लॉवरची तयार करून घेतलेली पेस्ट टाकून शिजवून घ्या. यामध्ये जास्त पाणी घालू नये.
• त्यानंतर त्यात डाळिंबाचे मिश्रण घालून पेस्ट व्यवस्थित मिक्स करून घ्या.
• काचेच्या वाटीमध्ये डाळिंबाचे मिश्रण ओतून जेली सेट करण्यासाठी ठेवा. जेली सेट झाल्यानंतर वरून बारीक दाण्यांची साखर टाकून खाण्यासाठी सर्व्ह करा.
• तयार आहे सोप्या पद्धतीमध्ये बनवलेली डाळिंबाची जेली.