एकदा खाल्ला की पुन्हा मागाल! अशी खास ‘चिकन खीमा’ रेसिपी; यंदाच्या विकेंडला जरूर ट्राय करा

Chicken Kheema Recipe : विकेंडचा दिवस बनवा खास, घरच्या घरी बनवा हॉटेल स्टाईल मसालेदार आणि स्वादिष्ट चिकन खिमा. ही रेसिपी फार लज्जतदार असून अवघ्या काही मिनिटांतच तुम्ही तिला घरी बनवू शकता.

• ही चिकन खीमा रेसिपी सोपी, झटपट आणि घरच्या साहित्यांत तयार होते.
• योग्य मसाल्यांच्या वापरामुळे खीमा स्वादिष्ट, रसाळ आणि हॉटेलसारखा लागतो.
• चपाती, पराठा किंवा पावसोबत खाण्यासाठी ही डिश परफेक्ट आहे.

भारतीय स्वयंपाकात नॉनव्हेज पदार्थांना खास स्थान आहे आणि त्यातही चिकन कीमा हा अनेकांचा फेव्हरेट पदार्थ मानला जातो. मऊसूत चिकनचा कीमा, त्यात मिसळलेले सुगंधी मसाले, कांदा-टोमॅटोची छानसर ग्रेवी आणि वरून कोथिंबिरीचाची ताजी चव हे सगळं मिळून चिकन खिमा खाण्याचा अनुभवच वेगळा असतो.

डोसा सारखा तव्याला चिकटतोय? मग या टिप्स  फॉलो करा आणि तयार करा पातळ-कुरकुरीत डोसा 

चिकन खिमा ही रेसिपी खास आहे कारण ती झटपट बनते, जड वाटत नाही आणि चपाती, भाकरी, नान किंवा पावसोबत छान लागते. अनेक घरांमध्ये रविवारी किंवा खास पाहुण्यांसाठी हा पदार्थ आवर्जून केला जातो. ढाबा स्टाईल मसालेदार कीमा असो किंवा सौम्य घरगुती चव, ही रेसिपी प्रत्येकाच्या आवडीप्रमाणे बदलता येते. आज आपण अगदी सोप्या पद्धतीने, घरात उपलब्ध असलेल्या मसाल्यांमध्ये चवदार आणि रसदार चिकन खिमा कसा बनवायचा ते पाहणार आहोत.

साहित्य

• चिकन खिमा – 500 ग्रॅम
• कांदे – 2 बारीक चिरलेले
• टोमॅटो – 2 बारीक चिरलेले
• आले-लसूण पेस्ट – 1 टेबलस्पून
• हिरव्या मिरच्या – 2 बारीक चिरलेल्या
• हळद – 1/2 टीस्पून
• लाल तिखट – 1 टीस्पून
• धणे-जिरे पूड – 1 टीस्पून
• गरम मसाला – 1/2 टीस्पून
• मीठ – चवीनुसार
• तेल – 2 ते 3 टेबलस्पून
• कोथिंबीर – बारीक चिरलेली
• लिंबाचा रस – 1 टीस्पून (ऑप्शनल)

हिवाळ्यात शरीराची ताकद वाढवण्यासाठी सकाळच्या नाश्त्यात करा मेथी पनीर पराठ्याचे सेवन, नोट करून घ्या रेसिपी

कृती

• यासाठी सर्वप्रथम कढईत तेल गरम करून त्यात कांदे घालून सोनेरी होईपर्यंत परतून घ्या.
• त्यात आले-लसूण पेस्ट आणि हिरव्या मिरच्या घालून कच्चा वास जाईपर्यंत परता.
• आता टोमॅटो घालून मसाला तेल सुटेपर्यंत चांगला शिजवा.
• हळद, लाल तिखट, धणे-जिरे पूड आणि मीठ घालून मसाला नीट मिसळा.
• त्यात चिकन कीमा घालून 5–7 मिनिटे मध्यम आचेवर परता.
• झाकण ठेवून 10–15 मिनिटे शिजू द्या, मध्येच हलवत राहा.
• शेवटी गरम मसाला आणि लिंबाचा रस घालून नीट ढवळा.
• वरून कोथिंबीर घालून गरमागरम सर्व्ह करा.
• चिकन कीमा चपाती, ज्वारी-भाकरी, पाव किंवा नानसोबत अप्रतिम लागतो.
• सोबत कांदा-लिंबाची कोशिंबीर दिल्यास चव आणखी वाढते.
• घरच्या घरी बनवलेला हा चिकन कीमा नक्कीच तुमच्या जेवणाची शान वाढवेल.