लहान मुलांच्या डब्यात द्या पौष्टिक आणि टेस्टी इडली चाट, शाळेचा डबा होईल पूर्णपणे रिकामी

आज आम्ही तुम्हाला लहान मुलांच्या डब्यासाठी सोप्या पद्धतीमध्ये इडली चाट बनवण्याची रेसिपी सांगणार आहोत. हा पदार्थ कमीत कमी साहित्यात झटपट तयार होतो आणि चवसुद्धा चांगली लागते.

सर्वच लहान मुलांना शाळेच्या डब्यात कायमच हेल्दी आणि टेस्टी पदार्थ खाण्यास हवे असतात. सकाळच्या नाश्त्यापासून ते अगदी रात्रीच्या जेवणापर्यंत चमचमीत आणि विकतचे टेस्टी पदार्थ खाण्यास हवे असतात. पण नेहमीच बाहेरील विकतचे पदार्थ खाण्याऐवजी घरी बनवलेल्या पदार्थांचे सेवन करावे.म्हणूनच आज आम्ही तुम्हाला लहान मुलांच्या डब्यासाठी हेल्दी टेस्टी इडली चाट बनवण्याची सोपी रेसिपी सांगणार आहोत. हे इडली चाट तुम्ही सकाळच्या नाश्त्यात किंवा घरी आलेल्या पाहुण्यांच्या स्वागतासाठी सुद्धा बनवू शकता. प्रत्येक घरात सुट्टीच्या दिवशी इडली, डोसा, मेदुवडा इत्यादी साऊथ इंडियन पदार्थ बनवले जातात. साऊथ इंडियन पदार्थाची चव जगभरात फेमस आहे. त्यामुळे साध्या इडलीला हटके ट्विस्ट देऊन घरच्या घरी सोप्या पद्धतीमध्ये इडली चाट बनवताना येईल. चला तर जाणून घेऊया इडली चाट बनवण्याची सोपी रेसिपी.(फोटो सौजन्य – AI)

उन्हाळ्यात पोटाला मिळेल थंडावा! शिल्लक राहिलेल्या भातापासून झटपट बनवा कोकोनट राईस, नोट करून घ्या पदार्थ

साहित्य:

• इडली
• कांदा
• टोमॅटो
• शिजवलेले मक्याचे दाणे
• मटार
• दही
• हिरवी चटणी
• चिंच चटणी
• शेव
• कोथिंबिरीची पाने
• तूप किंवा तेल

Summer Special : कच्च्या कैरीपासून घरी बनवा आंबट-गोड चवीचा ‘आमपापड’, ऑफीस स्नॅक्ससाठी परफेक्ट पर्याय

कृती:

• इडलीचे चाट बनवण्यासाठी सर्वप्रथम, इडलीचे मध्यम आकारात तुकडे करून घ्या. इडली जास्त बारीक करू नये. यामुळे पदार्थाची चव खराब होऊ शकते.
• कढईमध्ये तूप किंवा तेल गरम करून त्यात कापून घेतलेले इडलीचे तुकडे घाला आणि हलके सोनेरी होईपर्यंत तळून घ्या. यामुळे इडली कुरकुरीत लागेल.
• वाटीमध्ये कुरकुरीत करून घेतलेल्या इडली घेऊन त्यात बारीक चिरलेला कांदा, टोमॅटो आणि उकडलेले मक्याचे दाणे, मटार घालून मिक्स करा.
• त्यानंतर वरून त्यावर फेटून घेतलेले दही, कोथिंबीर पुदिन्याची चटणी आणि चिंच चटणी घाला.
• तयार केलेल्या चाटवर चाट मसाला, भाजलेल्या जिऱ्याची पावडर, लाल तिखट आणि बारीक शेव, कोथिंबीर घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले इडली चाट.