Summer Special : कच्च्या कैरीपासून घरी बनवा आंबट-गोड चवीचा ‘आमपापड’, ऑफीस स्नॅक्ससाठी परफेक्ट पर्याय

Raw Mango Papad Recipe : कच्च्या कैरीचा पापड तुम्ही कधी खाल्ला आहे का? मऊ टेस्शचर आणि आंबट गोड चवीने भरलेली ही डिश स्नॅक्ससाठीचा एक उत्तम पर्याय ठरते. उन्हाळ्यात एकदा तरी हा पदार्थ नक्की बनवून खा.

(फोटो सौजन्य: Pinterest)

Follow Us:

Follow Us:

• ऊन्हाळा म्हणजे कैऱ्यांचा सीजन.
• कैरीपासून फक्त लोणचंच नाही तर चविष्ट असा पापड देखील बनवला जातो.
• याची रेसिपी फार सोपी आणि झटपट तयार होणारी आहे.

Recipe : शरीरासाठी आवश्यक आहे प्रोटीन, घरी बनवा टेस्टी आणि पोटभरणीचा ‘पनीर रॅप’

शिवाय, घरच्या घरी बनवलेला पापड हा शुद्ध, सुरक्षित आणि रसायनमुक्त असतो, त्यामुळे तो आरोग्यासाठी अधिक चांगला पर्याय ठरतो. कच्च्या कैरीचा पापड बनवण्याची प्रक्रिया सोपी असली तरी त्यासाठी थोडी काळजी आणि संयम आवश्यक असतो. योग्य प्रमाणात साखर आणि कैरीचा गर वापरल्यास पापडाची चव उत्तम लागते. चला तर मग जाणून घेऊया कच्च्या कैरीचा पापड बनवण्याची सोपी रेसिपी.

साहित्य

• २-३ कच्च्या कैऱ्या
• १ कप साखर (चवीनुसार कमी-जास्त करू शकता)
• चिमूटभर मीठ
• १/२ टीस्पून वेलची पूड (ऑप्शनल)
• थोडे तूप (प्लास्टिक शीटला लावण्यासाठी)

कृती

• सर्वप्रथम कच्च्या कैऱ्या स्वच्छ धुवून त्यांची साल काढा आणि गर वेगळा करा.
• हा गर मिक्सरमध्ये घालून गुळगुळीत पेस्ट तयार करून घ्या.
• तयार पेस्ट एका कढईत काढून त्यात साखर आणि चिमूटभर मीठ घाला.
• हे मिश्रण मंद आचेवर सतत ढवळत शिजवा, जोपर्यंत ते घट्ट होत नाही.
• मिश्रण घट्ट झाल्यावर त्यात वेलची पूड घालून नीट मिसळा आणि गॅस बंद करा.
• आता एक प्लास्टिक शीट किंवा ताटाला हलकेसे तूप लावा आणि त्यावर हे मिश्रण पातळ थरात पसरवा.
• हे पापड उन्हात २-३ दिवस वाळवून घ्या. पूर्णपणे कोरडे झाल्यावर ते सहज निघेल.
• तयार झालेला कच्च्या कैरीचा पापड एअरटाइट डब्यात साठवून ठेवा.
• हा पापड तुम्ही कधीही खाऊ शकता किंवा पाहुण्यांना सर्व्ह करून त्यांचीही मनं जिंकू शकता.

Web Title: Summer special aam papad recipe from raw mango homemade dish for office snack

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com