राखीपोर्णिमेनिमित्त लाडक्या भावासाठी १० मिनिटांमध्ये बनवा खमंग गूळ-नारळाची बर्फी, नात्यात वाढेल गोडवा

सणावाराच्या दिवसांमध्ये बाजारात मिळणाऱ्या बर्फी किंवा मिठाईमध्ये मोठ्या प्रमाणावर भेसळ केली जाते. म्हणूनच आज आम्ही तुम्हाला सोप्या पद्धतीमध्ये गूळ खोबऱ्याची बर्फी बनवण्याची सोपी रेसिपी सांगणार आहोत.

देशभरात सगळीकडे रक्षाबंधन सण मोठ्या आनंद आणि उत्साहात साजरा केला जातो. रक्षाबंधनच्या दिवशी बहीण भावाच्या मनगटावर राखी बांधते.यामुळे बहीण भावाच्या नात्यातील गोडवा वाढतो. याशिवाय रक्षाबंधनच्या दिवशी घरात गोड पदार्थ बनवले जातात. तसेच नारळी पौर्णिमेच्या दिवशी नारळी भात, ओल्या नारळाची पुरणपोळी, नारळाचे लाडू, नारळाची वडी इत्यादी अनेक पदार्थ बनवले जातात. म्हणूनच या आम्ही तुम्हाला रक्षाबंधननिमित्त लाडक्या भावासाठी गूळ नारळाची बर्फी बनवण्याची सोपी रेसिपी सांगणार आहोत. सणाच्या दिवशी नेहमीच बाहेरून विकत आणलेले पदार्थ खाल्ले जातात. पण सणाच्या दिवशी बाजारात मोठ्या प्रमाणावर भेसळ केली जाते. त्यामुळे प्रामुख्याने घरी बनवलेले पदार्थ खावेत. साखरेचा वापर न करता बनवलेला पदार्थ मधुमेहाचे रुग्णसुद्धा खाऊ शकता.चला तर जाणून घेऊया गूळ नारळाची बर्फी बनवण्याची सोपी रेसिपी.(फोटो सौजन्य – pinterest)

लहान मुलांच्या आवडीचे गोड अन् मऊसर Donut घरी कसे तयार करायचे? पार्टीसाठी परफेक्ट रेसिपी!

साहित्य:

• गूळ
• वेलची पावडर
• तूप
• ओल्या खोबऱ्याचा किस
• ड्रायफ्रुट्स
• सुक्या नारळाचा किस

सकाळच्या नाश्त्यासाठी १० मिनिटांमध्ये बनवा चविष्ट मुगाच्या डाळीचा चिल्ला,चवीसोबत आरोग्यासाठी ठरेल पौष्टिक

कृती:

• गूळ नारळाची बर्फी बनवण्यासाठी सर्वप्रथम, मिक्सरच्या भांड्यात खोबऱ्याचे तुकडे टाकून बारीक वाटून घ्या.
• कढईमध्ये चमचाभर तूप गरम करून त्यात बारीक वाटून घेतलेले खोबर टाकून हलका लाल रंग येईपर्यंत भाजा. त्यानंतर त्यात तुमच्या आवडीनुसार किसलेलं गूळ घालून मिक्स करा.
• गूळ पूर्णपणे खोबऱ्यामध्ये मिक्स झाल्यानंतर वेलची पावडर आणि काजू बदामाचे तुकडे घालून मंद आचेवर परतून घ्या.
• मोठ्या ताटाला बटर किंवा तूप लावून तयार केलेले सारण टाका आणि सगळीकडे व्यवस्थित एकसमान पसरवून बर्फी सेट होण्यासाठी ३० मिनिटं तशीच ठेवा.
• तयार केलेल्या बर्फीचे तुम्हाला हवे त्या आकारात तुकडे करून सुक्या नारळाच्या किसमध्ये घोळवून घ्या.
• तयार आहे सोप्या पद्धतीमध्ये बनवलेली गूळ खोबऱ्याची चविष्ट बर्फी.