सकाळच्या नाश्त्यासाठी १० मिनिटांमध्ये बनवा चविष्ट मुगाच्या डाळीचा चिल्ला,चवीसोबत आरोग्यासाठी ठरेल पौष्टिक

सकाळच्या नाश्त्यात नेहमीच ठराविक पदार्थ खाऊन कंटाळा आल्यानंतर सोप्या पद्धतीमध्ये तुम्ही मुगाच्या डाळीचा चिल्ला बनवू शकता. हा पदार्थ पचनासाठी अतिशय हलका आहे.

सकाळच्या नाश्त्यासाठी १० मिनिटांमध्ये बनवा चविष्ट मुगाच्या डाळीचा चिल्ला

Follow Us:

Follow Us:

सकाळच्या नाश्त्यात नेहमीच प्रत्येकाला काहींना काही चमचमीत पदार्थ खाण्याची इच्छा होते. नाश्त्यात नेहमीच पोहे, उपमा, शिरा खाऊन कंटाळा येतो. अशावेळी तुम्ही सकाळच्या नाश्त्यासाठी चविष्ट मुगाच्या डाळीचा चिल्ला बनवू शकता. मुगाची आरोग्यासाठी अतिशय गुणकारी आहे. यामध्ये असलेले घटक शरीराला पोषण देतात. याशिवाय मुगाची डाळ सहज पचन होते. बऱ्याचदा वजन वाढेल या भीतीने अनेक लोक नाश्ता करणे टाळतात. पण असे न करता सकाळी पोटभर नाश्ता करावा. नाश्ता केल्यामुळे संपूर्ण दिवस आनंद आणि उत्साहामध्ये जातो. याशिवाय दुपारच्या वेळी लवकर भूक लागत नाही. त्यामुळे नाश्त्यात नेहमीच हेल्दी आणि टेस्टी पदार्थ खावेत. चला तर जाणून घेऊया मुगाच्या डाळीचा चिल्ला बनवण्याची सोपी रेसिपी.(फोटो सौजन्य – istock)

Raksha Bandhan 2025 : अनोख्या पदार्थाने करा सर्वांनाच खुश; सणासुदीसाठी खास Coconut Roll ची भन्नाट आणि चविष्ट रेसिपी!

साहित्य:

• मुगाची डाळ
• हिंग
• आलं लसूण पेस्ट
• हिरवी मिरची
• मीठ
• तेल
• जिरं
• कोथिंबीर

महिलांच्या आरोग्यासाठी वरदान ठरेल कोहळ्याचं सूप! चेहऱ्यावर येईल चमकदार ग्लो, नोट करून घ्या रेसिपी

कृती:

• मुगाच्या डाळीचा चिल्ला बनवण्यासाठी सर्वप्रथम, वाटीभर मुगाची डाळ चार ते पाच तासांसाठी पाण्यात भिजत ठेवा.
• मिक्सरच्या भांड्यात मुगाची डाळ, आलं लसूण पेस्ट, हिरव्या मिरचीचे तुकडे आणि जिरं, हिंग टाकून बारीक पेस्ट तयार करा.
• तयार केलेली पेस्ट वाटीमध्ये काढून त्यात चवीनुसार मीठ, हळद आणि लाल तिखट घालून व्यवस्थित मिक्स करा.
• गरम तव्यावर तेल टाकून लहान लहान आकाराचे चिल्ला बनवून दोन्ही बाजूने व्यवस्थित भाजून घ्या.
• तयार आहेत सोप्या पद्धतीमध्ये बनवलेला मुगाच्या डाळीचा चिल्ला. हा पदार्थ तुम्ही सॉससोबत खाऊ शकता.

Web Title: Make delicious moong dal chilla in 10 minutes for morning breakfast simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com