नवरात्री उत्सवात देवीच्या नैवेद्यासाठी बनवा रसरशीत जिलेबी, १० मिनिटांमध्ये झटपट तयार होईल पदार्थ

देवीच्या नैवेद्यासाठी नेहमीच काय गोड पदार्थ बनवावा, बऱ्याचदा सुचत नाही. अशावेळी तुम्ही सोप्या पद्धतीमध्ये जिलेबी बनवू शकता. घरातील प्रत्येकालाच जिलेबी खायला खूप जास्त आवडते.

नवरात्री उत्सवाचा आज आठवा दिवस. नवरात्रीच्या नऊ दिवसांमध्ये सगळीकडे आनंद आणि उत्साहाचे वातावरण असते. देवीची घटस्थापना करून मनोभावे पूजा करून गोड पदार्थ बनवले जातात. देवीच्या नैवेद्यासाठी शेवयांची खीर, तांदळाची खीर, गुलाबजाम इत्यादी अनेक गोड पदार्थ बनवले जातात. पण घाईगडबडीच्या वेळी नैवेद्यासाठी नेमकं काय बनवावं? हे सुचत नाही. अशावेळी तुम्ही १० मिनिटांमध्ये वाटीभर मैद्याचा वापर करून रसरशीत जिलेबी बनवू शकता. जिलेबी खायला सगळ्यांचं खूप जास्त आवडते. जिलेबीचे नाव ऐकल्यानंतर सगळ्यांच्या तोंडाला पाणी सुटते. त्यामुळे कमीत कमी साहित्यामध्ये तुम्ही जिलेबी बनवू शकता. सणावाराच्या दिवसांमध्ये बाजारातील मिठाईमध्ये मोठ्या प्रमाणावर भेसळ केली जाते. पण भेसळ युक्त पदार्थांचे सेवन करण्याऐवजी घरी बनवलेल्या हेल्दी आणि टेस्टी पदार्थांचे सेवन करावे. चला तर जाणून घेऊया जिलेबी बनवण्याची सोपी रेसिपी.(फोटो सौजन्य: Pinterest)

Fasting Recipe: सकाळच्या नाश्त्यासाठी १० मिनिटांमध्ये बनवा राजगिरा रताळ्याच्या खुसखुशीत पुऱ्या! वाढेल उपवासाचा आनंद

साहित्य:

• मैदा
• साखर
• कॉर्नफ्लोर
• दही
• बेकिंग पावडर
• पाणी
• केशरी रंग

Navratri Special Recipe: दूध न आटवता १० मिनिटांमध्ये बनवा दाटसर सिताफळाची बासुंदी, गरमागरम पुरीसोबत घ्या आनंद

कृती:

• जिलेबी बनवण्यासाठी सर्वप्रथम, मोठ्या टोपात पाणी गरम करण्यासाठी ठेवा. गरम पाण्यात वाटीभर साखर, हिरवी वेलची घालून पाक व्यवस्थित उकळवून घ्या. साखरेच्या पाकला उकळी आल्यानंतर त्यात केशरी रंग टाकून मिक्स करा.
• मोठ्या भांड्यात मैदा, कॉर्नफ्लोर, बेकिंग पावडर, दही आणि खाण्याचा केशरी रंग टाकून मिक्स करा.
• तयार केलेले मिश्रण गुठळ्या होऊ न देता व्यवस्थित फेटून घ्या. जिलेबीचे मिश्रण व्यवस्थित मिक्स करून घ्या.
• कढईमध्ये तूप किंवा तेल गरम करण्यासाठी ठेवा. जिलेबीचा साच्यामध्ये तयार केलेले सारण ओतून गरम तेलात जिलेबी पडून दोन्ही बाजूने व्यवस्थित कुरकुरीत होईपर्यंत तळून घ्या.
• तयार केलेली जिलेबी साखरेच्या पाकात घोळवून काहीवेळ तशीच ठेवा आणि त्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेली रसरशीत जिलेबी. हा पदार्थ सगळ्यांचं खूप जास्त आवडेल.