Kanda Bhaji Recipe: सोडा – रव्याचा अजिबात वापर न करता दसऱ्याच्या नैवेद्यासाठी बनवा कुरकुरीत गोल कांदा भजी, नोट करा रेसिपी

Kanda Bhaji Recipe: दसऱ्याच्या नैवेद्यासाठी घरात कुरकुरीत गोल कांदा भजी बनवू शकता. या भजी बनवता सोडा किंवा रव्याचा अजिबात वापर केला जात नाही. चला तर जाणून घेऊया कुरकुरीत गोल कांदा भजी बनवण्याची रेसिपी.

Kanda Bhaji Recipe: सणावारांच्या दिवसांमध्ये सगळीकडे आनंद आणि उत्साहाचे वातावरण असते. साडेतीन मुहूर्तांपैकी एक असलेला दसरा सण उत्साहाच्या वातावरणात साजरा केला जातो. दसऱ्याच्या शुभमुहूर्तावर पूजेच्या आणि नैवेद्याच्या ताटाची तयारी सगळीकडे केली जाते. नैवेद्याच्या ताटात नेमके काय पदार्थ बनवावेत, याची लिस्ट आधीच तयार करून ठेवली जाते. त्यातील सगळ्यांच्या आवडीचा पदार्थ म्हणजे कांद्याची गोल भजी. कुरकुरीत कांद्याची भजी सगळ्यांचं खायला खूप जास्त आवडते.जेवणाच्या ताटात कुरकुरीत पदार्थ असले की चार घास जास्त जातात आणि पोट सुद्धा भरते. कांदा भजी बनवताना कायमच सोड्याचा वापर केला जातो. पण सोड्याच्या वापरामुळे सतत तहान लागते किंवा खाल्लेले अन्नपदार्थ व्यवस्थित पचन होत नाहीत. म्हणूनच आज आम्ही तुम्हाला सोड्याचा वापर न करता कुरकुरीत कांदा भजी बनवण्याची सोपी रेसिपी सांगणार आहोत.(फोटो सौजन्य – AI)

Falooda Recipe : घरी कसा बनवायचा थंडगार फालुदा? ही रेसिपी नोट करा, लहान मुले होतील खुश

साहित्य:

• बेसन
• मीठ
• तांदळाचे पीठ
• हिरवी मिरची
• ओवा
• लाल तिखट
• हळद
• कढीपत्ता
• कोथिंबीर
• तेल
• हिंग
• पाणी
• धणे
• कांदा

Pomegranate Chutney: डाळिंबाच्या चटणीने वाढवा जेवणाची चव, नोट करून घ्या १० मिनिटांमध्ये झटपट होणारी रेसिपी

कृती:

• कुरकुरीत गोल कांदा भजी बनवण्यासाठी सर्वप्रथम, कांदा मध्यम आकारात चिरून घ्या आणि चवीनुसार मीठ टाकून मिक्स करा. कांद्याला पाणी सुटल्यानंतर त्यातील पाणी काढून टाका.
• कांद्यामध्ये बेसन, कोथिंबीर, हळद, लाल तिखट, धणे, हिंग, कोथिंबीर, कढीपत्त्याची पाने, कोमट गरम तेल घालून सर्व साहित्य व्यवस्थित मिक्स करा.
• आवश्यकता वाटल्यास तयार केलेल्या मिश्रणात पाणी घालावे. सगळ्यात शेवटी भजी कुरकुरीत होण्यासाठी तांदळाचे पीठ घालून मिक्स करा.
• कढईमध्ये तेल गरम करण्यासाठी ठेवा. गरम तेलात चमच्याने भजी सोडून मंद आचेवर दोन्ही बाजूने लालसर आणि कुरकुरीत होईपर्यंत भजी तळून घ्या.
• तयार आहे सोप्या पद्धतीमध्ये बनवलेली कुरकुरीत कांद्याची गोल भजी. दसऱ्याच्या नैवेद्यात आवर्जून गोल भजी बनवली जाते.