Ram Navami 2026: प्रभू श्रीरामांच्या नैवेद्यासाठी झटपट बनवा ‘केसर पनकम’, उन्हाळ्यासाठी प्रभावी थंडगार पेय

आज आम्ही तुम्हाला सोप्या पद्धतीमध्ये प्रभू श्रीरामांच्या नैवेद्यासाठी केशर पनकम बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या रेसिपी.

देशभरात मोठ्या आनंद आणि उत्साहात श्रीराम नवमी साजरा केली जाते. हिंदू धर्मात रामनवमी सणाला विशेष महत्व आहे. यादिवशी विविध कार्यक्रमांचे आयोजन केले जाते. प्रभू श्रीराम हे सूर्यवंशी घराण्यातील आहेत. मर्यादा पुरूषोत्तम राम यांना हा सण समर्पित आहे. चैत्र महिन्याच्या शुक्ल पक्षाच्या नवमी तिथीला रामनवमी साजरी केली जाते. प्रभू श्रीरामांची मनोभावे पूजा करून त्यांना गोड पदार्थांचा नैवेद्य अर्पण केला जातो. त्यातील प्रसिद्ध पदार्थ म्हणजे केसर पनकम. प्रभू श्रीरामांना नैवेद्यात केसर पनकम अर्पण करण्याची फार जुनी परंपरा आहे. हा एक दक्षिण भारतीय पदार्थ आहे. केसर पनकम हे केवळ पेय नसून उन्हाळ्यासाठी अतिशय प्रभावी आणि रामबाण आयुर्वेदिक औषध आहे. हा पदार्थ बनवताना केशर आणि इतर आयुर्वेदिक मसाल्यांचा वापर केला जातो. त्यामुळे उन्हाळ्याच्या दिवसांमध्ये शरीरात वाढलेली उष्णता कमी करण्यासाठी केसर पनकमचे सेवन करावे. चला तर जाणून घेऊया केसर पनकम बनवण्याची सोपी कृती.(फोटो सौजन्य – pinterest)

Ram Navami : राम नवमी निमित्त खास प्रसाद, झटपट घरी तयार करा स्वादिष्ट रव्याचा शिरा

साहित्य:

• केशर
• गूळ
• थंड पाणी
• सुंठ पावडर
• काळीमिरी पावडर
• वेलची पावडर
• लिंबाचा रस
• तुळशीची पाने
• मीठ

वजन झपाट्याने कमी करण्यासाठी रात्रीच्या जेवणासाठी प्या चविष्ट ओट्स सूप, पोटावर वाढलेली चरबी होईल नष्ट

कृती:

• केसर पनकम बनवण्यासाठी सर्वप्रथम, मोठ्या भांड्यात पाणी घेऊन त्यात गूळ टाकून मिक्स करा. गूळ पूर्णपणे वितळवून घ्या.
• गूळ विरघळल्यानंतर तयार केलेले गुळाचे पाणी गाळून घ्या. त्यानंतर गुळाच्या पाण्यात सुंठ पावडर, काळीमिरी पावडर आणि वेलची पावडर घालून व्यवस्थित मिक्स करून घ्या.
• त्यानंतर त्यात लिंबाचा रस, चवीनुसार मीठ आणि पाण्यात भिजत ठेवावे केशर घालून व्यवस्थित मिक्स करा.
• केशर टाकल्यामुळे पनकमला सूंदर चव येईल. तयार केलेले केशर पनकम तांब्याच्या भांड्यात काढून प्रभू श्रीरामांना नैवेद्य म्हणून दाखवा.
• तयार आहे सोप्या पद्धतीमध्ये बनवलेले केशर पनकम.