शरीर हायड्रेट ठेवण्यासाठी सकाळी उठल्यानंतर प्या ‘कोकम चीया सीड्स ज्युस’, पचनक्रिया राहील निरोगी

शरीर हायड्रेट ठेवण्यासाठी सकाळी उठल्यानंतर कोमट पाण्याचे सेवन करावे. यासोबत नियमित कोकम चीया सीड्स ज्युसचे सेवन केल्यास शरीराला अनेक फायदे होतील. जाणून घ्या कोकम चीया सीड्स ज्युस बनवण्याची सोपी रेसिपी.

निरोगी आरोग्य ठेवण्यासाठी शरीर हायड्रेट असणे आवश्यक आहे . अन्यथा शरीराची पचनक्रिया बिघडण्याची शक्यता असते. कामाचा तणाव, आहारात सतत होणारे बदल, अपुरी झोप, मद्यपान, शरीरातील पाण्याची कमतरता इत्यादी अनेक गोष्टींचा परिणाम पचनक्रियेवर लगेच दिसून येतो. पचनक्रिया बिघडल्यानंतर शरीरातील विषारी घटक आतड्यांमध्ये तसेच साचून राहतात, जे आरोग्यासाठी अतिशय हानिकारक आहे. यामुळे त्वचेवर पिंपल्स मुरूम येणे, त्वचा निस्तेज होणे, फॅटी लिव्हर इत्यादी अनेक समस्या उद्भवण्याची शक्यता असते. त्यामुळे निरोगी आरोग्यासाठी सकाळी उठल्यानंतर शरीर हायड्रेट आणि स्वच्छ असणे आवश्यक आहे. आज आम्ही तुम्हाला शरीर हायड्रेट ठेवण्यासाठी कोकम चिया सीड्स ज्युस बनवण्याची सोपी रेसिपी सांगणार आहोत. या पेयाचे सेवन केल्यास शरीर हायड्रेट आणि फ्रेश राहील. कोकमच्या रसाचे सेवन केल्यामुळे शरीरातील हानिकारक पदार्थ बाहेर पडून जातात. चला तर जाणून घेऊया कोकम चीया सीड्स ज्युस बनवण्याची सोपी रेसिपी.(फोटो सौजन्य – iStock)

विकतचे कशाला घरीच सोप्या पद्धतीने बनवा Chilli Cheese Noodles, फार सोपी आहे रेसिपी

See more

साहित्य:

• चिया सीड्स
• कोकम सरबत
• जिरा पावडर
• लिंबाचा रस
• रोझ सिरप
• द्राक्ष किंवा इतर फळे

सकाळच्या नाश्त्यात हेल्दी पदार्थ शोधताय? मग सोप्या पद्धतीमध्ये बनवा बीटरूट इडली, नोट करून घ्या रेसिपी

See more

कृती:

• कोकम चीया सीड्स ज्युस बनवण्यासाठी सर्वप्रथम, वाटीमध्ये पाणी घेऊन त्यात १ किंवा २ चमचा चिया सीड्स भिजत ठेवा.
• त्यानंतर काचेच्या ग्लासमध्ये कोकम सरबत घेऊन त्यात चवीनुसार जिऱ्याची पावडर, लिंबाचा रस आणि चिमूटभर मीठ टाकून मिक्स करून घ्या.
• नंतर त्यात रोझ सिरप टाका. १ तास भिजवून घेतलेले चिया सीड्स रोझ सिरपमध्ये टाकून मिक्स करा.
• सगळ्यात शेवटी त्यात सोडा टाकून तुमच्या आवडीचे कोणतेही फळ टाकून मिक्स करून घ्या.
• तयार आहे सोप्या पद्धतीमध्ये बनवलेले कोकम चीया सीड्स ज्युस.