Diwali 2026: दिवाळीनिमित्त भाजणीशिवाय बनवा इन्स्टंट तयार होणारी कुरकुरीत बटर चकली, नोट करून घ्या रेसिपी

Diwali 2026: चकली बनवण्यासाठी भाजणी तयार केली जाते. पण चुकीच्या पद्धतीने भाजणी बनवल्यास पदार्थाची चव खराब होण्याची शक्यता असते. त्यामुळे झटपट तयार होणाऱ्या बटर चकली तुम्ही बनवू शकता.

Diwali 2026: दिवाळीनिमित्त घरात फराळाचे विविध पदार्थ बनवले जातात. फराळाच्या पदार्थांमध्ये आवर्जून चकली बनवली जाते. कुरकुरीत चकलीशिवाय फराळाचे ताट पूर्ण झाल्यासारखे वाटत नाही. चकली बनवताना प्रामुख्याने वेगवेगळ्या डाळींची भाजणी तयार केली जाते. पण भाजणी बनवताना झालेला चुकांमुळे पदार्थाची चव पूर्णपणे बिघडून जाते. त्यामुळे आज आम्ही तुम्हाला भाजणीचा वापर न करता कुरकुरीत चकली भाजणी बनवण्याची सोपी रेसिपी सांगणार आहोत. या पद्धतीने बनवलेली बटर चकली चवीला अतिशय सुंदर लागते आणि सगळेच तुमचं कौतुक करतील. भाजणी बनवण्याचा अनेकांना खूप जास्त कंटाळा येतो. अशावेळी या पद्धतीने चकल्या बनवाव्यात. बटर चकली कमी वेळात झटपट तयार होते. चला तर जाणून घेऊया रेसिपी.(फोटो सौजन्य – istock)

Diwali 2026: मैद्याचा वापर न करता वाटीभर गव्हाच्या पिठाचा वापर करून बनवा खमंग खुसखुशीत शंकरपाळ्या, नोट करा रेसिपी

साहित्य:

• चणा डाळ
• मूग डाळ
• उडीद डाळ
• पाणी
• तांदळाचे पीठ
• पांढरे तीळ
• ओवा
• लाल तिखट मसाला
• हळद
• हिंग
• मीठ
• धणे जिरे पावडर
• बटर
• कोमट गरम पाणी
• तेल

Diwali 2026: नानकटाई बनवल्यानंतर दगडासारखी कडक होऊन जाते? मग या पद्धतीने घरी बनवा बेकरीस्टाईल खुसखुशीत नानकटाई

कृती:

• बटर चकली बनवण्यासाठी सर्वप्रथम, मोठ्या वाटीमध्ये चणा डाळ, पिवळी मूग डाळ, उडीद डाळ एकत्र करून पाण्याने ३ वेळा धुवून घ्या.
• तासभर डाळ भिजल्यानंतर कुकरच्या भांड्यात टाकून व्यवस्थित मऊ होईपर्यंत शिजवून घ्या. डाळ शिजवताना त्यात जास्त पाणी घालू नये.
• मोठ्या ताटात तांदळाचे पीठ, पांढरे तीळ, ओवा, लाल तिखट, हळद, हिंग, चवीनुसार मीठ, धणे जिरं पावडर, बटर घालून मिश्रण व्यवस्थित मिक्स करा.
• त्यानंतर त्यात शिजवून घेतलेली डाळ घालून पीठ कोमट पाण्याने हळूहळू मळून घ्या. मळून घेतलेल्या पिठावर सुटी कापड टाकून झाकण ठेवा.
• कढईमध्ये तेल गरम करण्यासाठी ठेवा. गरम तेलात तयार केलेल्या चकली टाकून मंद आचेवर दोन्ही बाजूने कुरकुरीत होईपर्यंत तळून घ्या.
• तयार आहेत भाजणीचा वापर न करता बनवलेल्या बटर चकल्या.