Diwali 2026: मैद्याचा वापर न करता वाटीभर गव्हाच्या पिठाचा वापर करून बनवा खमंग खुसखुशीत शंकरपाळ्या, नोट करा रेसिपी

Diwali 2026: दिवाळीमध्ये कायमच मैद्याचे पदार्थ बनवण्याऐवजी झटपट गव्हाच्या पिठाचा वापर करून खुसखुशीत शंकरपाळ्या बनवू शकता. हा पदार्थ घरातील प्रत्येकाला खूप जास्त आवडेल आणि चव सुद्धा मस्त लागेल.

Diwali 2026: दिवाळी सणाला अवघे काही दिवस शिल्लक राहिले आहेत. सणावारांच्या दिवसांमध्ये घरात विविध गोडाचे पदार्थ बनवले जातात. त्यातील बहुतेक पदार्थ मैद्याचा वापर करून बनवले जातात. पण वारंवार मैद्याचे सेवन करण्याऐवजी गव्हाच्या पिठापासून बनवलेल्या शंकरपाळ्या खाव्यात. गव्हाच्या पिठापासून बनवलेल्या शंकरपाळ्या चवीला अतिशय सुंदर लागतात आणि शरीरासाठी फायदेशीर ठरतात. गव्हाच्या पिठापासून बनवलेल्या शंकरपाळ्या अगदी जिभेवर रेंगाळतात. बऱ्याचदा दिवाळीच्या फराळातील पदार्थ बनवताना खूप जास्त चुका होतात आणि पदार्थाची चव खराब होऊन जाते. त्यामुळे योग्य प्रमाण वापरून पदार्थ बनवावेत. गव्हाच्या पिठापासून बनवलेल्या शंकरपाळ्या केवळ दिवाळीतच नाहीतर इतर वेळी सुद्धा सकाळच्या नाश्त्यात खाऊ शकता. चला तर जाणून घेऊया रेसिपी.(फोटो सौजन्य – istock)

Diwali 2026: नानकटाई बनवल्यानंतर दगडासारखी कडक होऊन जाते? मग या पद्धतीने घरी बनवा बेकरीस्टाईल खुसखुशीत नानकटाई

साहित्य:

• गव्हाचं पीठ
• पिठीसाखर
• तूप
• मीठ
• वेलची पावडर
• तेल

Diwali Sweets: ५ मिनिटांमध्ये बनवा केशर कोकोनट लाडू, दिवाळीतील फराळाची वाढेल रंगतदार चव

कृती:

• गव्हाच्या शंकरपाळ्या बनवण्यासाठी टोपात दूध आणि साखर एकत्र करून गरम करण्यासाठी ठेवा. मंद आचेवर साखर पूर्णपणे विरघळून गेल्यानंतर गॅस बंद करून मिश्रण थंड होण्यासाठी ठेवा.
• वाटीमध्ये तूप गरम करून घ्या. ताटात दोन वाटी गव्हाचे पीठ घेऊन त्यात चवीनुसार मीठ, वेलची पावडर घालून व्यवस्थित मिक्स करा.
• त्यानंतर पिठामध्ये तयार केलेले मोहन घालून मिक्स करा आणि नंतर साखरेचे मिश्रण घाला. मळून घेतलेले पीठ १० मिनिट झाकण मारून ठेवून द्या.
• झाकण ठेवून दिलेले पीठ हलक्या हाताने मळून मऊ करून घ्या. त्यानंतर मध्यम आकारात पिठाचा गोळा करून जाडसर लाटून घ्या आणि शंकरपाळीच्या आकारात कापा.
• कढईमधील गरम तेलात शंकरपाळी मंद आचेवर दोन्ही बाजूने तळून घ्या. तयार आहे सोप्या पद्धतीमध्ये बनवलेली गव्हाच्या पिठाची शंकरपाळी.