मेथीची भाजी खायला आवडत नाही? मग सोप्या पद्धतीमध्ये बनवा चविष्ट मेथीचे पराठे

मेथीची भाजी चवीला कडू असल्यामुळे अनेक लोक मेथी खाणे टाळतात. पण मेथीच्या भाजीमध्ये अनेक पौष्टीक घटक आढळून येतात. ग्रामीण भागातील अनेक ठिकाणी मेथीच्या भाजीपासून भाकरी,दही-धपाटे इत्यादी अनेक वेगवेगळे प्रकार बनवले जातात. त्यामुळे तुम्हीसुद्धा तुमच्या मुलांना डब्यात मेथीची पराठे बनवून देऊ शकता.

पोषक तत्वांनी समृद्ध असलेली मेथीची भाजी आरोग्यासाठी अतिशय गुणकारी आहे. पण मेथीच्या भाजीचे नाव ऐकल्यानंतर अनेक लोक नाक मुरडतात. मेथीची भाजी चवीला कडू असल्यामुळे अनेक लोक मेथी खाणे टाळतात. पण मेथीच्या भाजीमध्ये अनेक पौष्टीक घटक आढळून येतात. ग्रामीण भागातील अनेक ठिकाणी मेथीच्या भाजीपासून भाकरी,दही-धपाटे इत्यादी अनेक वेगवेगळे प्रकार बनवले जातात. त्यामुळे तुम्हीसुद्धा तुमच्या मुलांना डब्यात मेथीची पराठे बनवून देऊ शकता. मेथीचे पराठे बनवण्यासाठी अगदी सोपे असल्यामुळे कमीत कमी वेळात आणि साहित्यमध्ये तुम्ही हा पदार्थ बनवू शकता. चला तर जाणून घेऊया मेथीचे पराठा बनवण्याची सोपी रेसिपी.(फोटो सौजन्य-istock)

साहित्य:

• गव्हाचे पीठ
• ज्वारीचे पीठ
• मेथी
• लाल तिखट
• मीठ
• बाजरीचे पीठ
• पांढरे तीळ
• दही
• आलं लसूण पेस्ट
• ओवा
• बेकिंग सोडा

हे देखील वाचा: जास्त निरोगी कोण असतात? मांसाहारी की शाकाहारी? जाणून घ्या.

कृती:

• मेथीचे पराठे बनवण्यासाठी मेथीची भाजी स्वच्छ करून धुवून घ्या. त्यानंतर भाजी बारीक चिरून घ्या.
• मोठ्या ताटात गव्हाचे पीठ, बाजरीचे पीठ, ज्वारीचे पीठ आणि चवीनुसार मीठ टाकून मिक्स करून घ्या.
• त्यानंतर त्यात चिरलेली मेथी, मीठ, साखर, दही, ओवा, तीळ, मिरची, आलं लसूण पेस्ट आणि बेकिंग पावडर, ओवा टाकून मिक्स करा.
• आवश्यकतेनुसार पाणी टाकून पीठ व्यवस्थित घट्टसर मळून घ्या.
• तयार पिठाचे गोळे करून तुम्हाला हव्या त्या आकाराचे पराठे लाटून तव्यावर टाकून शेकवा.
• दोन्ही बाजूने पराठे व्यवस्थित भाजून झाल्यानंतर वरून तूप किंवा तेल लावा.
• तयार आहेत मेथीची चविष्ट पराठे. हे पराठे तुम्ही दही किंवा चटणीसोबत खाऊ शकता.