Recipe : सकाळच्या नाश्त्यात काय बनवावं ते सुचत नाहीये? मग अशाप्रकारे बनवा टेस्टी मिलेट नगेट्स

Milet Cutlet Recipe : सकाळच्या नाश्त्यासाठी टेस्टी अशा पदार्थाच्या शोधात असाल तर मिलेट नगेट्स तुमच्यासाठी योग्य पर्याय ठरेल. शेफ कुणाल कपूरने याची रेसिपी शेअर केली आहे.

• सकाळचा नाश्ता करा हेल्दी आणि टेस्टी.
• घरी बनवा मिलेट कटलेट.
• ही रेसिपी सकाळच्या किंवा संध्याकाळच्या नाश्त्यासाठी परफेक्ट ठरते.

सकाळच्या घाईगडबडीच्या वेळी तुम्ही झटपट तयार होणाऱ्या टेस्टी नाश्त्याच्या शोधात असाल तर आजची रेसिपी तुमच्यासाठी खास ठरणार आहे. नेहमीचा बोरींग नाश्ता करुन कंटाळा आला असल्यास तुम्ही मिलेट कटलेटची सोपी, सहज तयार होणारी टेस्टी रेसिपी ट्राय करु शकता. हे कटलेट चवीला तर रुचकर आहेतच शिवाय अनेक भाज्यांचा वापर केल्याने आरोग्यासाठीही ते फायदेशीर ठरतात. मुलांना टिफीनमध्ये देण्यासाठीही तुम्ही ही रेसिपी ट्राय करु शकता. प्रसिद्ध शेफ कुणाल कपूर यांनी ही रेसिपी शेअर केली आहे. या लेखात आपण स्टेप बाय स्टेप मिलेट कटलेट घरी कसे तयार करायचे ते जाणून घेणार आहोत. चला तर मग रेसिपीसाठी लागणारे साहित्य आणि कृती जाणून घ्या.

Recipe : विकेंडसाठी खास, अशाप्रकारे बनवा कुरकुरीत आणि टेस्टी ‘चिकन पकोडा’ ‘

साहित्य

• तेल १ छोटा चमचा
• हिंग अर्धा छोटा चमचा
• जिरे १ छोटा चमचा
• ठेचलेली काळी मिरी
• कढीपत्त्याची एक काडी
• हिरव्या मिरच्या २ चिरलेल्या
• आल्याचा तुकडा
• पाणी ४ कप
• चवीनुसार मीठ
• भाजलेले शेंगदाणे अर्धा कप
• काजू अर्धा कप
• किसलेले गाजर अर्धा कप
• घेवडा अर्धा कप
• उकडलेला मका अर्धा कप
• हिरवे वाटाणे अर्धा कप
• हळद चिमूटभर
• चिली फ्लेक्स १ छोटा चमचा
• वरईचा तांदूळ
• हिरवी कोथिंबीर चिरलेली
• तूप २ छोटे चमचे

Salad Recipe: फिटनेसप्रेमींसाठी खास पदार्थ! हेल्दी राहण्यासाठी नाश्त्यात करा हाय-प्रोटीन सॅलडचा समावेश, नोट करा रेसिपी

कृती

• पाैष्टिक मिलेट कटलेट तयार करण्यासाठी सर्वप्रथम एक खोलगट भांडे गॅसवर ठेवा आणि त्यात चमचाभर तेल घाला.
• तेल गरम झाले की त्यात हिंग, जिरेपूड, काळी मिरीपूड, कढीपत्ता, चिरलेली हिरवी मिरची आणि किसलेले आले घालून खमंग अशी फोडणी तयार करा.
• यानंतर त्यात आवश्यकतेनुसार पाणी आणि मीठ घाला आणि एक उकळी येऊ द्या.
• आता यात भाजलेले शेंगदाणे, कुटलेले काजू, किसलेले गाजर, वाटाणे, चिरलेली घेवडा, मका, हळद आणि
• चिली फ्लेक्स घालून सर्व साहित्य नीट एकजीव करा.
• मिश्रण सतत ढवळत राहा जेणेकरुन यात गुठळ्या होऊ नयेत.
• आता यात वरईचा तांदूळ घाला आणि ढवळून मिश्रण काही मिनिटे शिजू द्या.
• गॅस बंद करा आणि तायर मिश्रण एका ताटात पसरवून थंड करुन घ्या.
• मिश्रण थंड झाले की, याचे नगेट्स तयार करा, तुम्हाला हवा तसा आकार तुम्ही याला देऊ शकता.
• शेवटी गॅसवर कढई ठेवून यात तेल गरम करा.
• गरम तेलात तयार नगेट्स टाका आणि ४-५ मिनिटे मध्यम आचेवर यांना कुरकुरीत होईपर्यंत तळून घ्या.
• गरमागरम मिलेट नगेट्स टोमॅटो केचप किंवा तुमच्या आवडीच्या साॅससोबत खाण्यासाठी सर्व्ह करा.