नासलेले दूध फेकून देण्याऐवजी घरी सोप्या पद्धतीमध्ये बनवा नासकवणी, १० मिनिटांमध्ये तयार होईल चविष्ट पदार्थ

खराब झालेले दूध अनेकदा फेकून दिले जाते. मात्र असे न करता तुम्ही या दुधापासून नासकवणी बनवू शकता. गूळाचा वापर करून बनवलेला पदार्थ चवीला अतिशय सुंदर लागतो. चला तर जाणून घेऊया नासकवणी बनवण्याची सोपी रेसिपी.

सर्वच घरांमध्ये नेहमी दूध आणले जाते. काहींना चहासोबत दूध लागते तर काहींना प्रोटीनशेक किंवा गोड पदार्थ बनवण्यासाठी दुधाचा वापर केला जातो. याशिवाय दुधाचा वापर इतरही अनेक गोष्टींसाठी केला जातो. दुधामध्ये असलेले गुणधर्म आरोग्यासाठी अतिशय पौष्टिक आणि प्रभावी आहेत. बऱ्याचदा घाईगडबडीच्या वेळी दूध गरम करण्यास विसरल्यानंतर किंवा दुधात लिंबू टाकल्यामुळे दूध लगेच खराब होऊन जाते. दुधाच्या गाठी तयार होऊन दूध पूर्णपणे खराब होऊन जाते. खराब झालेले दूध अनेक घरांमध्ये फेकून दिले जाते. तर काही लोक याचं दुधाचा वापर करून अनेक वेगवेगळे पदार्थ बनवतात. म्हणूनच आज आम्ही तुम्हाला नसलेले दूध खराब झाल्यानंतर त्याच दुधाचा वापर करून नासकवणी बनवण्याची सोपी रेसिपी सांगणार आहोत. हा पदार्थ ५ मिनिटांमध्ये झटपट तयार होतो. याशिवाय नासलेल्या दुधापासून अनेक लोक पनीर सुद्धा बनवतात. चला तर जाणून घेऊया नासकवणी बनवण्याची सोपी रेसिपी.(फोटो सौजन्य – iStock)

Recipe: विकेंडला घरीच बनवा रेस्टाॅरंट स्टाइल ‘पनीर दो प्याजा’; चव अशी की घरातील सर्वच होतील खुश

साहित्य:

• नसलेले दूध
• गूळ
• वेलची पावडर

फ्लॉवरची भाजी पाहून नाक मुरडता? मग सोप्या पद्धतीमध्ये बनवा फ्लॉवरची कुरकुरीत भजी, नोट करून घ्या रेसिपी

कृती:

• नासकवणी बनवण्यासाठी सर्वप्रथम, नसलेले दूध गॅसवर गरम करण्यासाठी ठेवा. दुधाला उकळी आल्यानंतर त्यातील पाणी काढून घ्या.
• पाणी काढून घेतल्यानंतर पुन्हा एकदा दूध गॅसवर मंद आचेवर शिजण्यासाठी ठेवा.
• नासलेले दूध रवाळ होत नाही तोपर्यंत मंद आचेवर ठेवून व्यवस्थित शिजवून घ्या.
• त्यानंतर त्यात तुम्ही तुमच्या आवडीनुसार गूळ आणि वेलची पावडर घालून मिक्स करा.
• गूळ घातल्यानंतर तयार केलेला पदार्थ सतत चमच्याने मिक्स करत राहा, अन्यथा दूध टोपाला चिटकण्याची शक्यता असते.
• तयार आहे सोप्या पद्धतीमध्ये बनवलेली नासकवणी. हा पदार्थ बनवण्यासाठी खूप कमी साहित्य आणि वेळ लागतो.