वजन झपाट्याने कमी करण्यासाठी रात्रीच्या जेवणासाठी प्या चविष्ट ओट्स सूप, पोटावर वाढलेली चरबी होईल नष्ट

आज आम्ही तुम्हाला सोप्या पद्धतीमध्ये ओट्स सूप बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या ओट्स सूप बनवण्याची रेसिपी.

पोटावर वाढलेला चरबीचा घेर कमी करण्यासाठी महिला सतत काहींना काही करत असतात. तासनतास व्यायाम, विविध सप्लिमेंट, महागडे डाएट इत्यादी अनेक गोष्टी केल्या जातात. पण सतत व्यायाम आणि चुकीचा डाएट फॉलो केल्यामुळे वजन कमी होण्याऐवजी शारीरिक आरोग्य बिघडून जाते. बऱ्याचदा वजन कमी करताना रात्रीच्या जेवणात नेमकं काय खावं? हा प्रश्न सगळ्यांचं पडतो. अशावेळी अनेक लोक सॅलड किंवा सँडविच खाऊन राहतात. पण यामुळे शरीरात अशक्तपणा किंवा थकवा वाढण्याची जास्त शक्यता असते. म्हणूनच आज आम्ही तुम्हाला हेल्दी टेस्टी ओट्स सूप बनवण्याची सोपी रेसिपी सांगणार आहोत. हे सूप कमीत कमी साहित्यात झटपट तयार होते. याशिवाय वजन कमी करताना रात्रीच्या जेवणासाठी अतिशय उत्तम पर्याय आहे. सूप प्यायल्यामुळे दीर्घकाळ पोट भरलेले राहते. चला तर जाणून घेऊया ओट्स सूप बनवण्याची सोपी रेसिपी.(फोटो सौजन्य – istock)

रव्याचा उपमा खाऊन अ‍ॅसिडिटी होते? मग १० मिनिटांमध्ये झटपट बनवा पौष्टिक नाचणीचा उपमा, शरीराला मिळेल तात्काळ ऊर्जा

साहित्य:

• ओट्स
• मुगडाळ
• मसूर डाळ
• गाजर
• बीट
• टोमॅटो
• पालक
• लसूण
• आलं
• मीठ
• काळीमिरी पावडर
• हळद
• पाणी

Summer Special: कडाक्याच्या उन्हाळ्यात १० मिनिटांमध्ये झटपट बनवा काकडीची चविष्ट कढी, पोटात टिकून राहील थंडावा

कृती:

• ओट्स सूप बनवण्यासाठी सर्वप्रथम, सर्व डाळी काहीवेळ पाण्यात भिजत ठेवून नंतर पाण्याने स्वच्छ धुवून घ्या.
• कुकरच्या भांड्यात भिजवलेल्या डाळी, चिरलेल्या भाज्या, आलं आणि लसूण, गरजेनुसार पाणी आणि चवीनुसार मीठ घालून शिजवून घ्या.
• कुकरच्या ४ किंवा ५ शिट्ट्या काढून घ्या. यामुळे भाज्या आणि डाळी अतिशय मऊ शिजून येतील.
• शिजलेले सर्व साहित्य थंड झाल्यानंतर मिक्सरच्या भांड्यात किंवा ब्लेंडरच्या मदतीने बारीक करून घ्या.
• कढईमध्ये तूप गरम करून त्यात थोडस जिरं आणि शिजवून घेतलेले ओट्स घालून आवश्यकतेनुसार पाणी घालून एक उकळी काढा.
• त्यानंतर त्यात भाज्यांचे मिश्रण टाकून व्यवस्थित मिक्स करा. गरजेनुसार काळीमिरी पावडर आणि हळद घालून व्यवस्थित सूपला उकळी काढून घ्या.
• तयार आहे सोप्या पद्धतीमध्ये बनवलेले हेल्दी टेस्टी ओट्स सूप.