खोबऱ्याची चटणी खाऊन कंटाळा आला असेल तर झटपट बनवा चमचमीत कांद्याची चटणी, नोट करा रेसिपी

जेवणाच्या ताटात जर चटणी असेल तर चार घास जेवण जास्त जातं. म्हणूनच आज आम्ही तुम्हाला कांद्याची झणझणीत चटणी बनवण्याची सोपी रेसिपी सांगणार आहोत.

साऊथ इंडियन पदार्थ बनवल्यानंतर कायमच घरात खोबऱ्याची चटणी बनवली जाते. खोबऱ्याची खमंग चटणी आप्पे, डोसा, इडली इत्यादी पदार्थांसोबत सुंदर लागते. याशिवाय जेवणात भाजी नसल्यास झणझणीत सुक्या खोबऱ्याची किंवा ओल्या खोबऱ्याचा किस वापरून चटणी बनवली जाते. पण सतत खोबऱ्याच्या चटणीचे सेवन केल्यास अपचन आणि ऍसिडिटी वाढण्याची शक्यता असते. म्हणूनच आज आम्ही तुम्हाला गॅसचा वापर न करता झणझणीत कांद्याची चटणी बनवण्याची सोपी रेसिपी सांगणार आहोत. कांदा चवीसोबतच आरोग्यासाठी सुद्धा प्रभावी आहे. जेवणात तोंडी लावण्यासाठी कांदा, लिंबू खाल्ला जातो. झणझणीत कांद्याची चटणी गरमागरम भाकरी, चपाती किंवा वाफाळत्या भातासोबत अतिशय सुंदर लागते. लहान मुलं जेवणातील कांदा खाण्यास नकार देतात, अशावेळी मुलांना कांद्यापासून असे नवनवीन पदार्थ खाण्यास द्यावेत. तुम्ही बनवलेली कांद्याची चटणी घरातील प्रत्येकाला खूप जास्त आवडेल. चला तर जाणून घेऊया झणझणीत कांद्याची चटणी बनवण्याची सोपी रेसिपी. (फोटो सौजन्य – istock)

भाजी-चपातीसोबत खा ‘या’ गोष्टी! तद्न्य काय म्हणतात? वाचा

साहित्य:

• कांदा
• लसूण
• तेल
• मोहरी
• लाल तिखट
• मीठ
• धणे जिरं पावडर
• हिरवी मिरची

सकाळच्या नाश्त्यासाठी १० मिनिटांमध्ये बनवा लहान मुलांच्या आवडीची Lemon Coriander Maggi, नोट करा रेसिपी

कृती:

• कांद्याची चटणी बनवण्यासाठी सर्वप्रथम, कांद्याची साल काढून बारीक चिरून घ्या.
• मिक्सरच्या भांड्यात हिरव्या मिरचीचे तुकडे, लसूण, बारीक चिरलेला कांदा, लाल तिखट, हळद आणि चवीनुसार मीठ घालून बारीक पेस्ट वाटून घ्या.
• त्यानंतर त्यात कोथिंबीर, जिरं धणे पावडर घालून पुन्हा एकदा वाटून घ्या. चटणी बनवताना त्यात पाणी घालू नये.
• तयार केलेली चटणी वाटीमध्ये काढून घ्या. फोडणीच्या वाटीमध्ये तेल गरम करण्यासाठी ठेवा.
• गरम तेलात हिंग, कढीपत्ता, मोहरी, जिरं घालून फोडणी भाजा. गरम फोडणी तयार केलेली चटणीमध्ये ओतून मिक्स करा.
• तयार आहे सोप्या पद्धतीमध्ये बनवलेली झणझणीत कांद्याची चटणी.