गोड खाण्याची इच्छा झाल्यास सोप्या पद्धतीमध्ये घरी बनवा संत्र्याची खीर, आरोग्यासाठी ठरेल पौष्टिक

चवीला आंबट गोड असलेली संत्री सगळ्यांचं खूप आवडतात. पण नेहमी नेहमी नुसतीच संत्री खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये संत्र्याची खीर बनवू शकता.

लहान मुलांपासून मोठ्यांपर्यंत सगळ्यांचं गोड पदार्थ खायला खूप आवडतात. गोड पदार्थ खाण्याची इच्छा झाल्यानंतर प्रामुख्याने शेवयांची खीर, तांदळाची खीर किंवा बाजारातील मिठाई आणून खाल्ली जाते. मात्र नेहमी नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये संत्र्याचा वापर करून खीर बनवू शकता. थंडीच्या दिवसांमध्ये बाजारात मोठ्या प्रमाणावर संत्री उपलब्ध असतात. संत्री खाणे आरोग्यासाठी अतिशय पौष्टिक आहे. चवीला आंबट गोड असलेली संत्री अनेकांना खायला आवडत नाही. अशावेळी तुम्ही या पद्धतीने संत्र्याची खीर बनवू शकता. संत्र्यामध्ये मोठ्या प्रमाणात विटामिन सी आढळून येते, जे त्वचा आणि आरोग्यासाठी अतिशय फायदेशीर आहे. चला तर जाणून घेऊया संत्र्याची खीर बनवण्याची सोपी रेसिपी.(फोटो सौजन्य – iStock)

घरच्या घरी बनवा रेस्टॉरंट स्टाईल Chili Potatoes, विकेंडसाठी परफेक्ट रेसिपी

See more

साहित्य:

• दूध
• संत्र्याचा गर
• तांदूळ
• साखर
• तूप
• काजू बदाम
• वेलची पावडर

भारती सिंग मुलाला देते ‘या’ पदार्थांपासून बनवलेले होममेड ड्रायफ्रूट चॉकलेट, जाणून घ्या चॉकलेट बनवण्याची रेसिपी

See more

कृती:

• संत्र्याची खीर बनवण्यासाठी सर्वप्रथम, तांदूळ स्वच्छ साफ करून काहीवेळ पाण्यात भिजत ठेवा.
• त्यानंतर कढईमध्ये दूध गरम करण्यासाठी ठेवा. गरम दुधात भिजवून ठेवलेले तांदूळ शिजण्यासाठी टाका.
• तांदूळ व्यवस्थित शिजल्यानंतर खीर हळूहळू घट्ट होऊ लागेल. त्यानंतर त्यात तुमच्या आवडीनुसार साखर टाकून व्यवस्थित मिक्स करून घ्या.
• साखर पूर्णपणे विरघल्यानंतर त्यात वेलची पावडर आणि काजू बदामाचे बारीक तुकडे घालून मिक्स करा.
• सगळ्यात शेवटी त्यात संत्र्याचा गर टाकून मिक्स करा. आवश्यकता वाटल्यास तूप टाकून मिक्स करून घ्या.
• तयार आहे हेल्दी टेस्टी संत्र्याची खीर. हा पदार्थ घरातील सगळ्यांना नक्कीच आवडेल.