नेहमीची तीच दालखिचडी खाऊन कंटाळा आला असेल तर सोप्या पद्धतीमध्ये बनवा ‘चविष्ट पालक खिचडी’

लहान मुलांसह मोठ्यानं पालक खायला आवडत नाही. अशावेळी तुम्ही मुलांसाठी पालक खिचडी बनवू शकता. पालक खिचडी चवीला अतिशय सुंदर लागते. जाणून घ्या पालक खिचडी बनवण्याची सोपी रेसिपी.

जेवणातील पदार्थांमध्ये नेहमीच भात बनवला जातो. भाताशिवाय जेवण जेवल्यासारखे वाटतं नाही. जेवणात चपाती, भाजी, डाळ, भात इत्यादी पदार्थ नेहमीच बनवले जातात. मात्र काहीवेळा कामाचा थकवा आणि इतर कारणांमुळे जेवण बनवण्याचा कंटाळा आल्यानंतर प्रामुख्याने डाळखिचडी बनवली जाते. दालखिचडी हा पदार्थ पचनास अतिशय हलका आहे. त्यामुळे अनेक घरांमध्ये संध्याकाळच्या जेवणात दालखिचडी बनवली जाते. मात्र नेहमीच दालखिचडी खाऊन कंटाळा आल्यानंतर काहींना काही आणि बनवण्यासाठी सोपा असलेला पदार्थ खाण्याची इच्छा होते. तुम्ही पालक खिचडी बनवू शकता. पालकची भाजी खाणे अनेकांना आवडत नाही. त्यामुळे तुम्ही मुलांसाठी किंवा घरातील इतर व्यक्तींसाठी पालक खिचडी बनवू शकता. चला तर जाणून घेऊया पालक खिचडी बनवण्याची सोपी रेसिपी.(फोटो सौजन्य – iStock)

5 मिनिटांतच तयार होईल कांद्याची ही स्पेशल भाजी; त्वरित नोट करा रेसिपी

साहित्य:

• पालक
• तांदूळ
• मीठ
• हिरवी मिरची
• मूग डाळ
• मोहरी
• जिरं
• आलं लसूण पेस्ट
• तूप
• लाल सुखी मिरची
• कढीपत्ता
• लाल तिखट
• हळद

वरण भातासोबत हिरव्यागार कच्च्या कैरीचा बनवा आंबटगोड झणझणीत ठेचा,नोट करून घ्या चविष्ट रेसिपी

कृती:

• पालक खिचडी बनवण्यासाठी सर्वप्रथम, तांदूळ आणि डाळ स्वच्छ साफ करून तीन वेळा स्वच्छ धुवून घ्या. त्यानंतर काहीवेळ पाण्यात तांदूळ आणि डाळ भिजत ठेवा.
• कुकरमध्ये तूप गरम करून त्यात मोहरी, जिरं, कढीपत्ता, लाल सुखी मिरची टाकून मिक्स करा.
• त्यानंतर त्यात कांदा, टोमॅटो टाकून मिक्स करून घ्या. त्यानंतर चवीनुसार मीठ टाकून कांदा टोमॅटो वाफवण्यासाठी ठेवा. कांद्याला तेल सुटल्यानंतर चमच्याने मिक्स करा.
• कांदा भाजल्यानंतर त्यात लाल तिखट, हळद आणि गरम मसाला टाकून मिक्स करा. नंतर त्यात बारीक करून घेतलेले पालक टाकून शिजवून घ्या.
• पालक शिजल्यानंतर त्यात भिजवलेले तांदूळ, डाळ टाकून कुकरमध्ये आवश्यकतेनुसार पाणी घालून मिक्स करा.
• कुकरचे झाकण लावून ५ ते ६ शिट्ट्या काढून खिचडी शिजवा. सर्व्ह करताना त्यावर तूप टाका.
• तयार आहे सोप्या पद्धतीमध्ये बनवलेली पालक खिचडी. हा पदार्थ तुम्हाला नक्कीच आवडेल.