रविवार होईल आणखीनच स्पेशल! दुपारच्या जेवणात बनवा चमचमीत पनीर चीज टिक्की, नोट करून घ्या रेसिपी

नेहमी नेहमी पनीरपासून भाजी किंवा इतर पदार्थ खाऊन कंटाळा आल्यास सोप्या पद्धतीमध्ये तुम्ही पनीर चीज टिक्की बनवू शकता. पनीर चीज टिक्की लहान मुलांपासून ते मोठ्यांपर्यंत सगळ्यांचं नक्की आवडेल. जाणून घ्या रेसिपी.

रविवारच्या दिवशी सकाळच्या नाश्त्यात किंवा इतर वेळी नेमकं काय बनवावं हे सुचत नाही. नेहमीच कांदापोहे, उपमा, शिरा खाऊन कंटाळा आल्यानंतर काहींना खिन्न नवीन पदार्थ खाण्याची इच्छा होते. अशावेळी अनेक घरांमध्ये बाहेरून विकत आणलेले पदार्थ खाल्ले जातात. मात्र नेहमीच बाहेरून विकत आणलेली पदार्थ खाण्यापेक्षा घरी बनवलेले पोषक आणि चवदार पदार्थ खावेत. लहान मुलांपासून ते अगदी मोठ्यांपर्यंत सगळ्यांचं पनीर खायला खूप आवडते. पनीर खाल्यामुळे पोटही भरते आणि आरोग्यालासुद्धा अनेक फायदे होतात. वाढलेले वजन कमी करताना अनेक लोक आहारात पनीरचा समावेश करतात. कारण पनीर खाल्यामुळे पोट दीर्घकाळ भरलेले राहते आणि लवकर भूक लागत नाही. म्हणूच आज आम्ही तुम्हाला सोप्या पद्धतीमध्ये पनीर चीज टिक्की बनवण्याची सोपी रेसिपी सांगणार आहे. या पद्धतीने पनीर चीज टिक्की बनवल्यास चव अतिशय सुंदर लागेल. (फोटो सौजन्य – iStock)

रामाच्या नैवेद्यासाठी १० मिनिटांमध्ये झटपट बनवा दुधी भोपळ्याचा चविष्ट हलवा, नोट करून घ्या रेसिपी

साहित्य:

• पनीर
• चीज
• कांदा
• आलं लसूण पेस्ट
• लाल तिखट
• तांदळाचे पीठ
• मटार
• काळीमिरी पावडर
• गाजर
• कोबी
• हिरवी मिरची

सकाळच्या नाश्त्यात झटपट बनवा हेल्दी टेस्टी ॲव्होकॅडो टोस्ट, नोट करून घ्या सिंपल रेसिपी

कृती:

• पनीर चीज टिक्की बनवण्यासाठी सर्वप्रथम, गाजर, कोबी बारीक चिरून घ्या. त्यानंतर त्यात मीठ टाकून त्यातील पाणी काढून घ्या.
• मोठ्या वाटीमध्ये मॅश करून घेतलेले मटार, गाजर, कोबी, हिरवी मिरची आणि आलं लसूण पेस्ट टाकून मिक्स करा.
• नंतर त्यात काळीमिरी पावडर, लाल तिखट, हळद आणि चवीनुसार गरम मसाला टाकून मिक्स करून घ्या.
• वरून त्यात किसून घेतलेले पनीर आणि चीज टाकून मिक्स करा. सगळ्यात शेवटी तयार केलेल्या मिश्रणात चीज आणि चवीनुसार मीठ टाकून पुन्हा एकदा मिक्स करा.
• तयार करून घेतलेल्या मिश्रणाच्या गोलाकार टिक्की बनवून कढईमधील तेलात दोन्ही बाजूने भाजून घ्या. तयार आहे सोप्या पद्धतीमध्ये बनवलेली पनीर चीज टिक्की.