पनीरची भाजी खाऊन कंटाळा आला आहे? मग सोप्या पद्धतीमध्ये बनवा चविष्ट पनीर रोल

लहान मुलांपासून मोठ्यांपर्यंत सगळ्यांचं पनीर खायला खूप आवडत. अशावेळी तुम्ही पनीर पासून सोप्या पद्धतीमधले पनीर रोल बनवू शकता. पनीर रोल कमीत कमी साहित्य आणि वेळेत तयार होतात.

सकाळी उठल्यानंतर नाश्त्यामध्ये नेमकं काय बनवावं? हा प्रश्न सर्वच महिलांना पडतो. घरी उपलब्ध असलेल्या साहित्यामध्ये पौष्टिक आणि हेल्दी नाश्ता ,महिलांना बनवायचा असतो. सकाळी उठून पोटभर नाश्ता केल्यास आरोग्याला अनेक फायदे होतील. नाश्ता केल्यामुळे पोटही भरलेले राहते आणि आरोग्य सुधारते. सकाळच्या वेळी नाश्ता करणे ही आरोग्यदायी सवय आहे. त्यामुळे आज आम्ही तुम्हाला सकाळच्या नाश्त्यात पनीर रोल बनवण्याची सोपी रेसिपी सांगणार आहोत. पनीर हा पदार्थ लहान मुलांपासून मोठ्यांपर्यंत सगळ्यांचं खूप आवडतो. शिवाय पनीर खाल्यामुळे आरोग्याला अनेक फायदे होतात. पनीरमध्ये असलेले घटक आरोग्यासाठी सुद्धा फायदेशीर आहेत. पनीरमध्ये भरपूर प्रमाणात प्रोटीन आढळून येते. त्यामुळे वजन नियंत्रणात ठेवण्यासाठी पनीरचे सेवन करावे. चला तर जाणून घेऊया पनीर रोल बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• पनीर
• कांदा
• शिमला मिरची
• टोमॅटो
• चपाती
• आलं लसूण पेस्ट
• बारीक चिरलेली हिरवी मिरची
• लाल तिखट
• चाट मसाला
• मीठ
• तेल
• लिंबाचा रस
• हिरवी मिरची
• सॉस

नवनवीन रेसिपीसाठी इथे क्लिक करा

कृती:

• पनीर रोल बनवण्यासाठी सर्वप्रथम सर्व भाज्या स्वच्छ साफ करून उभ्या बारीक चिरून घ्या.
• स्टफिंग बनवण्यासाठी कढईमध्ये तेल गरम करण्यासाठी ठेवा. गरम तेलात आलं लसूण पेस्ट घालून परतवून घ्या.
• नंतर त्यात उभ्या बारीक चिरून घेतलेल्या सर्व भाज्या टाकून मिक्स करा.
• नंतर त्यात लाल तिखट, हळद, चाट मसाला, हिरवी मिरची आणि मीठ घालून मिक्स करा. शेवटी वरून बारीक करून घेतलेले पनीरचे तुकडे टाकून स्टफिंग तयार करा.
• रोल बनवण्यासाठी चपाती सर्वप्रथम तव्यावर शेकवून घ्या.
• शेकवलेल्या चपातीला हिरवी मिरची आणि सॉस लावून सगळीकडे पसरवा. त्यानंतर त्यात स्टफिंग भरून तुमच्या आवडीनुसार चीज टाकून रोल बनवा.
• तयार आहे सोप्या पद्धतीमध्ये बनवलेला पनीर रोल.