हिवाळ्यात शरीराला ऊर्जा देण्यासाठी सोप्या पद्धतीमध्ये बनवा लिंबू-ब्रोकोली सूप, पदार्थ होईल झटपट

हिवाळ्याच्या दिवसांमध्ये शरीराला उष्णता देणाऱ्या पदार्थांचे सेवन करावे. ज्यामुळे आरोग्य सुधारण्यास मदत होईल. आज आम्ही तुम्हाला लिंबू ब्रोकोली सूप बनवण्याची सोपी रेसिपी सांगणार आहोत. चला तर जाणून घेऊया.

लिंबू आणि ब्रोकोली सूप बनवण्याची सोपी रेसिपी

Follow Us:

Follow Us:

राज्यभरात सगळीकडे हिवाळा ऋतूला सुरुवात झाली आहे. हिवाळ्याच्या दिवसांमध्ये वातावरणात गारवा असतो. सगळीकडे धुक्यांची चादर पसरलेली असते. पण हिवाळा ऋतू सुरु झाल्यानंतर आरोग्याची जास्त काळजी घेणे गरजेचे आहे. कारण या दिवसांमध्ये सर्दी, खोकला आणि साथीच्या आजारांसह इतर आजार सगळीकडे पसरू लागतात. या आजारांपासून शरीराचा बचाव करण्यासाठी आहारात पौष्टिक आणि हेल्दी पदार्थांचे सेवन करावे. वातावरणात गारवा निर्माण झाल्यानंतर थंड पदार्थांचे सेवन करण्याऐवजी मसालेदार आणि गरमागरम पदार्थांचे सेवन करावे. हे पदार्थ खाल्यामुळे शरीरात उबदार पणा येतो. ज्यामुळे आरोग्य सुधारते. त्यामुळे आज आम्ही तुम्हाला हिवाळ्याच्या दिवसांमध्ये सकाळच्या नाश्त्यात लिंबू आणि ब्रोकोली सूप कसे तयार करावे, याची सोपी रेसिपी सांगणार आहोत हा पदार्थ बनवण्यासाठी जास्त वेळ लागत नाही. कमीत कमी साहित्यामध्ये सूप तयार होते. चला तर जाणून घेऊया लिंबू आणि ब्रोकोली सूप बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• ब्रोकोली
• लिंबाचा रस
• पाणी
• काळीमिरी पावडर
• ऑलिव्ह ऑइल
• मीठ
• आलं लसूण

नवनवीन रेसिपीसाठी इथे क्लिक करा

कृती:

• लिंबू ब्रोकोली सूप बनवण्यासाठी सर्वप्रथम, ब्रोकोली स्वच्छ धुवून घ्या. त्यानंतर तिचे बारीक तुकडे करा.
• कढई गरम करण्यासाठी ठेवून त्यात तेल गरम करून बारीक चिरून घेतलेलं आलं लसूण टाकून भाजून घ्या.
• नंतर त्यात बारीक चिरून घेतलेली ब्रोकोली टाकून शिजण्यासाठी ठेवा. ब्रोकोलीमध्ये थोडंसं पाणी टाकावे.
• गॅस बंद करून ब्रोकोली थंड झाल्यानंतर मिक्सरच्या भांड्यात टाकून पातळ पेस्ट तयार करा.
• त्याच पॅनमध्ये तयार केलेली पेस्ट, लिंबाचा रस, मीठ आणि काळीमिरी, आवश्यकतेनुसार पाणी टाकून उकळी येण्यासाठी ठेवा.
• तयार आहे सोप्या पद्धतीमध्ये बनवलेले लिंबू ब्रोकोली सूप.

Web Title: How to make lemon brocoli soup at home winter special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com