दिवसाची सुरुवात करा हेल्दी नाश्त्यासाठी! १० मिनिटांमध्ये झटपट बनवा हेल्दी पनीर सॅलड, नोट करा रेसिपी

वाढलेले वजन कमी करताना अनेक लोक आहारात वेगवेगळ्या पदार्थांचे सेवन करतात. पण आज आम्ही तुम्हाला पनीर सॅलड बनवण्याची सोपी रेसिपी सांगणार आहोत. हा पदार्थ कमीत कमी साहित्यामध्ये झटपट तयार होतो.

सकाळच्या नाश्त्यात प्रत्येकालच काहींना काही हेल्दी आणि टेस्टी पदार्थ खाण्याची इच्छा होते. पण घाईगडबडीमध्ये नाश्त्यासाठी नेमकं काय बनवावं? हा प्रश्न सगळ्यांचं पडतो. नाश्त्यात कायमच कांदापोहे, उपमा, शिरा किंवा डोसा इत्यादी अनेक पदार्थ बनवले जातात. पण कायमच तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये हेल्दी पनीर सॅलड बनवू शकता. पनीर खायला सगळ्यांचं खूप जास्त आवडते. वाढलेले वजन कमी करताना आहारात तुम्ही पनीरचे सेवन करू शकता. पनीर खाल्यामुळे पोट जास्त वेळ भरलेले राहते. कायमच हेल्दी आणि निरोगी राहण्यासाठी आहारात वेगवेगळ्या भाज्यांचे आणि कॅल्शियम युक्त पदार्थांचे सेवन करावे. सॅलड बनवताना त्यात तुम्ही वेगवेगळ्या भाज्यांचा वापर करू शकता. चला तर जाणून घेऊया पनीर सॅलड बनवण्याची सोपी रेसिपी.(फोटो सौजन्य – istock)

रेस्टॉरंट स्टाईल Honey Chili Potato आता घरीच बनवा; तुमच्या पार्टीची शान वाढवेल ही रेसिपी!

साहित्य:

• पनीर
• शिमला मिरची
• चणे
• काळीमिरी पावडर
• चीज
• मीठ
• टोमॅटो
• कोथिंबीर
• लिंबाचा रस
• मीठ

श्रावण सोमवारी सकाळच्या नाश्त्यात झटपट बनवा साबुदाण्याचे कुरकुरीत खमंग पॉपकॉर्न! पाहताच क्षणी तोंडाला सुटेल पाणी

कृती:

• पनीर सॅलड बनवण्यासाठी सर्वप्रथम, पनीर पाण्यात टाकून काहीवेळ तसेच ठेवा.
• सॅलड बनवण्यासाठी लागणाऱ्या भाज्या स्वच्छ पाण्याने धुवून घ्या. त्यानंतर बारीक चिरून घ्या.
• मोठ्या वाटीमध्ये बारीक चिरून घेतलेली शिमला मिरची, कांदा, टोमॅटो, चणे, काकडी इत्यादी सर्व भाज्या एकत्र मिक्स करून घ्या.
• त्यानंतर त्यात बारीक तुकडे केलेले पनीर टाकून हलक्या हाताने मिक्स करून घ्या. त्यानंतर त्यात चवीनुसार मीठ आणि काळीमिरी पावडर टाकून मिक्स करा.
• सॅलड सर्व्ह करताना त्यात किसलेले चीज आणि लिंबाचा रस टाकून मिक्स करा आणि आवडीनुसार कोथिंबीर घाला.
• तयार आहे सोप्या पद्धतीमध्ये बनवलेले पनीर सॅलड. हा पदार्थ घरातील सगळ्यांचं खूप जास्त आवडेल.