थंडीच्या दिवसांमध्ये घरी बनवा गूळ-शेंगदाण्याचा पराठा, संपूर्ण दिवसभर राहालं ताजेतवाने

शरीरातील उष्णता टिकून राहण्यासाठी आहारात गूळ, चणे, शेंगदाणे इत्यादी गरम पदार्थांचे सेवन करावे. ज्यामुळे शरीराला फायदे होतील. थंड वातावरण असल्यामुळे अनेक घरांमध्ये लाडू, चिक्की इत्यादी पदार्थ बनवले जातात.

थंडीच्या दिवसांमध्ये शरीरातील ऊर्जा कमी होत जाते. या दिवसांमध्ये साथीच्या आजारांमध्ये वाढ झाल्यामुळे रोगप्रतिकारशक्ती कमी होऊन जाते. अशावेळी शरीराला आवश्यक असलेल्या पदार्थांचे सेवन करावे. शरीरातील उष्णता टिकून राहण्यासाठी आहारात गूळ, चणे, शेंगदाणे इत्यादी गरम पदार्थांचे सेवन करावे. ज्यामुळे शरीराला फायदे होतील. थंड वातावरण असल्यामुळे अनेक घरांमध्ये लाडू, चिक्की इत्यादी पदार्थ बनवले जातात. शिवाय जेवण बनवतना गूळ आणि शेंगदाण्याचा वापर मोठ्या प्रमाणावर केला जातो. पण अनेकांना शेंगदाणे खायला आवडत नाही. अशावेळी तुम्ही गूळ शेंगदाण्याचा पराठा बनवू शकता. गूळ शेंगदाण्याचा पराठा चवीला खूप सुंदर लागतो. सकाळच्या नाश्त्यात गूळ आणि शेंगदाण्याचा पराठा खाल्यामुळे दिवसभर शरीरात ऊर्जा टिकून राहील आणि आरोग्यालासुद्धा फायदे होतील. चला तर जाणून घेऊया गूळ शेंगदाण्याचा पराठा बनवण्याची सोपी कृती.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• गूळ
• शेंगदाणे
• गव्हाचं पीठ
• तूप
• वेलची पावडर
• पाणी

नवनवीन रेसिपीसाठी इथे क्लिक करा

कृती:

• गूळ शेंगदाण्याचा पराठा बनवण्यासाठी सर्वप्रथम, शेंगदाणे खरपूस भाजून घ्या. भाजून घेतलेले शेंगदाणे थंड करून बारीक कूट तयार करा.
• ताटात गव्हाचं पीठ घेऊन त्यात थोडस तेल टाकून व्यवस्थित मळून घ्या. मळून झाल्यानंतर पिठाला तेल लावा.
• मिक्सरच्या भांड्यात शेंगदाणे, गूळ आणि वेलची टाकून बारीक सारण तयार करून घ्या.
• तयार केलेले सारण गव्हाच्या पिठाचे छोटे छोटे गोळे करून त्यात भरून घ्या.
• त्यानंतर चारही बाजूने पराठा व्यवस्थित लाटून घेऊन मग तव्यावर भाजण्यासाठी टाका.
• दोन्ही बाजूने पराठा व्यवस्थित भाजून झाल्यानंतर वरून तूप लावून सर्व्ह करा.
• तयार आहे सोप्या पद्धतीमध्ये बनवलेला गूळ शेंगदाण्याचा पराठा.