लोहयुक्त डाळिंबापासून सोप्या पद्धतीमध्ये बनवा डाळिंब मोहितो, वाचा सोपी रेसिपी

डाळिंबाचे सेवन केल्यामुळे आरोग्याला अनेक फायदे होतात. डाळिंबामध्ये लोहाचे प्रमाण अधिक असते. त्यामुळे तुम्ही रोजच्या आहारात डाळिंबाचे सेवन करू शकता. डाळिंब खाल्ल्यामुळे शरीराला ऊर्जा मिळते. शरीराचे कर्करोग आणि इतर रोगांपासून होणारे नुकसानटाळता येते. त्यामुळे आज आम्ही तुम्हाला सोप्या पद्धतीमध्ये डाळिंब मोहितो कसा बनवावा याची सोपी रेसिपी सांगणार आहोत. चला तर जाणून घेऊया.

शरीरातील रक्ताचे प्रमाण कमी झाल्यानंतर सगळ्यात आधी डॉक्टर डाळिंब किंवा लाल रंगाची फळे खाण्याचे सल्ला देतात. त्यामध्ये डाळिंब प्रामुख्याने खाल्ले जाते. डाळिंबामध्ये लोहाचे प्रमाण जास्त असते. तसेच डाळिंबाचे सेवन केल्यामुळे आरोग्याला अनेक फायदे होतात. डाळिंबाच्या फळामध्ये इतर फळांपेक्षा जास्त प्रमाणात अँटिऑक्सिडंट गुणधर्म आढळतात. यामुळे शरीरातील नुकसान होणाऱ्या पेशींचे संरक्षण होते.जर कॅन्सरपासून बचाव करण्यासाठी रोजच्या आहारात डाळिंबाचे सेवन तुम्ही करू शकता. यामुळे प्रोस्टेट कर्करोगाच्या पेशी टाळण्यासाठी मदत होते. कॅन्सरने त्रस्त असलेल्या लोकांनी रोज एक ग्लास डाळिंबाचा रस पिणे गरजेचे आहे. यामुळे कर्करोगाचा धोका कमी होऊ शकतो. डाळिंब सर्वच ऋतूंमध्ये उपलब्ध असतात. त्यामुळे आज आम्ही तुम्हाला डाळिंबापासून स्वस्तात मस्त डाळिंबाचे मोहितो कसे बनवावे, याची सोपी रेसिपी सांगणार आहोत. हा पदार्थ फार कमी वेळात तयार होतो.(फोटो सौजन्य-istock)

साहित्य:

• डाळिंबाचे दाणे
• लिंबाचा रस
• बर्फाचे तुकडे
• सोडा
• पुदिन्याची पाने

हे देखील वाचा: रोजच्या जेवणात करा फायबर युक्त भाजीचे सेवन, घरी बनवा लाल माठाची भाजी

कृती:

• डाळिंब मोहितो बनवण्यासाठी सर्वप्रथम डाळिंब स्वच्छ धुवून सोलून घ्या.
• त्यानंतर डाळिंबाचे दाणे बाजूला काढून घ्या. डाळिंबाच्या दाण्यांचा रस काढा.
• एका भांड्यात डाळिंबाच्या दाण्यांचा रस घेऊन त्यात लिंबाचा रस आणि पुदिन्याची बारीक करून घेतलेली पाने मिक्स करा.
• ग्लासमध्ये लिंबाचा एक तुकडा टाकून वरून डाळिंबाचा रस टाकून मिक्स करा. नंतर त्यात बर्फाचे खडे आणि सोडा टाका.
• तयार आहे सोप्या पद्धतीमध्ये बनवलेला डाळिंब मोहितो. सजावटीसाठी वरून पुदिन्याची पाने टाकून सर्व्ह करा.