संध्याकाळच्या वेळी भूक लागल्यानंतर काय खावं सुचत नाही? मग सोप्या पद्धतीमध्ये घरी बनवा बीट ओट्स थालीपीठ

संध्याकाळच्या नाश्त्यात भूक लागल्यावर तुम्ही सोप्या पद्धतीमध्ये बीट ओट्स थालीपीठ बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

संध्याकाळच्या वेळी प्रत्येकालाच भूक लागते. नाश्त्यात अनेक वेगवेगळ्या पदार्थांचे सेवन केले जाते. शेवपुरी, पाणीपुरी, वडापाव किंवा इतर तेलकट पदार्थांचे सेवन केले जाते. पण सतत तेलकट पदार्थ खाणे आरोग्यासाठी चांगले नाही. कारण तेलकट पदार्थांच्या अतिसेवनामुळे शरीरात कोलेस्ट्रॉल वाढू लागते. त्यामुळे संध्याकाळच्या नाश्त्यात कमीत कमी तेलकट पदार्थांचे सेवन करावे. म्हणूनच आज आम्ही तुम्हाला बीट ओट्स थालीपीठ बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. बीट खाणे आरोग्यासाठी अतिशय चांगले आहे. याशिवाय अनेक लोक सकाळच्या नाश्त्यात ओट्स खातात. ओट्स खाल्यामुळे पोट जास्त वेळ भरलेले राहते. कमीत कमी साहित्यामध्ये तुम्ही थालीपीठ बनवू शकता. चला तर जाणून घेऊया बीट ओट्स थालीपीठ बनवण्याची सोपी रेसिपी.(फोटो सौजन्य – istock)

चायनीज खायला खूप आवडत? मग सोप्या पद्धतीमध्ये घरी बनवा टेस्टी चिली गार्लिक नूडल्स,नोट करा रेसिपी

साहित्य:

• बीट
• ओट्स
• थालीपीठ भाजणी
• हिरवी मिरची
• कोथिंबीर
• पनीर
• मीठ
• आलं लसूण पेस्ट

कोणत्याही तिखट मसाल्यांचा वापर न करता घरी बनवा ऋषीची भाजी, नोट करून घ्या पारंपरिक रेसिपी

कृती:

• बीट ओट्स थालीपीठ बनवण्यासाठी सर्वप्रथम, मिक्सरच्या भांड्यात ओट्स टाकून बारीक पावडर तयार करून घ्या.
• मोठ्या वाटीमध्ये किसून घेतलेले बीट, बारीक चिरलेला कांदा, ओट्सचे पीठ, थालीपीठ भाजणी, आलं लसूण पेस्ट आणि चवीनुसार मीठ टाकून व्यवस्थित मिक्स करून घ्या.
• त्यानंतर त्यात किसलेले पनीर आणि बारीक चिरलेली कोथिंबीर टाकून व्यवस्थित मिक्स करा. आवश्यकता वाटल्यास तुम्ही त्यात पाणी घालू शकता.
• तयार केलेल्या पिठाचे छोटे छोटे गोळे करून थालीपीठ बनवून घ्या. त्यानंतर तयार केलेले थालीपीठ तव्यावर टाकून दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले बीट ओट्स थालीपीठ. हा पदार्थ हिरव्या चटणीसोबत किंवा दह्यासोबत अतिशय सुंदर लागेल.