सकाळच्या नाश्त्यासाठी घरी सोप्या पद्धतीमध्ये बनवा कॅल्शियमयुक्त नाचणीची इडली, वाचा सोपी रेसिपी

नाचणीमध्ये भरपूर कॅल्शियम आढळून येते. त्यामुळे रोजच्या आहारात तुम्ही नाचणीचे सेवन करू शकता. आज आम्ही तुम्हाला नाचणीपासून इडली बनवण्याची सोपी रेसिपी सांगणार आहोत. चला तर जाणून घेऊया.

शरीरात कॅल्शियमची कमतरता जाणवू लागल्यानंतर आरोग्य बिघडू लागते. त्यामुळे आहारात पौष्टिक आणि शरीराला पचन होतील अशा पदार्थांचे सेवन करणे आवश्यक आहे. कॅल्शियम वाढवणाऱ्या पदार्थांचे आहारात सेवन करावे. थंडीमध्ये कमी झालेली रोगप्रतिकारशक्ती वाढवण्यासाठी आहारात वेगवेगळ्या पौष्टिक पदार्थांचे सेवन करावे. आहारात नाचणीयुक्त पदार्थांचे सेवन केल्यास शरीरात कॅल्शियमची कमतरता निर्माण होणार नाही. नाचणीमध्ये भरपूर कॅल्शियम आढळून येते. नाचणी खाल्यामुळे शरीराला ऊर्जा मिळते आणि रोगप्रतिकारशक्ती वाढण्यास मदत होते. त्यामुळे नाचणीपासून बनवलेल्या पदार्थांचे नियमित सेवन करावे. नाचणीपासून भाकरी, स्मूदी इत्यादी अनेक पदार्थ बनवले जातात. त्यामुळे आज आम्ही तुम्हाला नाचणीची इडली बनवण्याची सोपी रेसिपी सांगणार आहोत. चला तर जाणून घेऊया नाचणीची इडली बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• नाचणी
• तांदूळ
• मीठ
• पाणी
• दही
• इनो
• मुगाची डाळ

नवनवीन रेसिपीसाठी इथे किल्क करा

कृती:

• नाचणीची इडली बनवण्यासाठी सर्वप्रथम, नाचणी तांदूळ आणि मुगाची डाळ स्वच्छ साफ करून घ्या.
• त्यानंतर त्यात पाणी टाकून 5 तास सर्व साहित्य पाण्यात भिजवून ठेवा.
• मिक्सरच्या भांड्यात भिजवून घेतलेले डाळ तांदूळ आणि नाचणी, दही एकत्र वाटून बाऊलमध्ये काढा.
• त्यानंतर इडली बनवण्याच्या बॅटरमध्ये इनो आणि चवीनुसार मीठ टाकून मिक्स करा.
• इडलीच्या भांड्याला तेल लावून त्यात नाचणीचे बॅटर टाकून इडली स्टीम करण्यासाठी ठेवा.
• 15 मिनिटं इडली स्टीम झाल्यानंतर गॅस बंद करून काढून घ्या.
• तयार आहे सोप्या पद्धतीमध्ये बनवलेली नाचणीची इडली.