थंडीच्या दिवसांमध्ये सकाळच्या नाश्त्यासाठी सोप्या पद्धतीमध्ये बनवा मटारचे पौष्टिक आप्पे

सकाळच्या नाश्त्यात चविष्ट आणि नेहमीपेक्षा वेगळा पदार्थ खायचा असेल तर तुम्ही सोप्या पद्धतीमध्ये मटार आप्पे बनवू शकता. मटार आप्पे बनवण्यासाठी जास्त वेळ लागत नाही. चला तर जाणून घेऊया मटार आप्पे बनवण्याची सोपी रेसिपी.

सकाळच्या नाश्त्यासाठी सोप्या पद्धतीमध्ये बनवा मटारचे पौष्टिक आप्पे

Follow Us:

Follow Us:

हिवाळा ऋतूला सुरुवात झाल्यानंतर बाजारात अनेक प्रकारच्या हिरव्या पालेभाज्या, फळभाज्या, फळे उपलब्ध होतात. त्यात सर्वधिक स्वस्त मिळणारी भाजी म्हणजे हिरवे मटार. थंडीच्या दिवसांमध्ये मटार अतिशय स्वस्त असतात. मटारपासून अनेक वेगवेगळे पदार्थ बनवले जातात. मटार पुलाव, मटार पराठा, मटार कटलेट इत्यादी अनेक पदार्थ बनवले जातात. सकाळच्या नाश्त्यात नेहमी नेहमी काय बनवावं? हा प्रश्न सर्वच महिलांना पडतो. अशावेळी तुम्ही मटार आप्पे बनवू शकता. मटार आप्पे हा पदार्थ चवीला अतिशय सुंदर लागतो. तेच तेच पदार्थ खाऊन कंटाळा आल्यानंतर तुम्ही नवीन काहीतरी बनवू शकता. चला तर जाणून घेऊया मटार आप्पे बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• हिरवे मटार
• हिरवी मिरची
• रवा
• मीठ
• तेल
• दही
• मक्याचे दाणे
• पनीर
• काळीमिरी पावडर
• चिलीफ्लेक्स
• शिमला मिरची
• चीझ
• कोथिंबीर

कृती:

• मटार आप्पे बनवण्यासाठी सर्वप्रथम, मिक्सरच्या भांड्यात हिरवे मटार, हिरव्या मिरचीचे तुकडे, कोथिंबीर घालून व्यवस्थित बारीक पेस्ट तयार करून घ्या.
• त्यानंतर बाऊलमध्ये बारीक रवा, दही आणि चवीनुसार मीठ घालून सर्व साहित्य मिक्सरमधून व्यवस्थित बारीक करून घ्या.
• तयार केलेले मिश्रण बाऊलमध्ये काढून व्यवस्थित मिक्स करा. या मिश्रणाची हिरवी पेस्ट तयार होईल.
• नंतर सारण तयार करण्यासाठी बाऊलमध्ये मक्याचे दाणे, किसून घेतलेले पनीर, काळीमिरी पावडर आणि रंगीत शिमला मिरची टाकून मिक्स करा.
• किसून घेतलेले चीज आणि थोडेसे मीठ घालून सारण व्यवस्थित मिक्स करा.
• तयार केलेल्या आप्प्यांच्या मिश्रणात आवश्यकतेनुसार पाणी टाकून मिक्स करा.
• आप्पे बनवण्यासाठी आप्पे पात्र गॅसवर ठेवून त्यात तेल टाकून गरम होण्यासाठी ठेवा.
• आप्पे पात्र गरम झाल्यानंतर त्यात हिरव्या मटारचे मिश्रण टाकून नंतर तयार केलेले सारण टाका आणि पुन्हा एकदा वरून हिरव्या मटारचे मिश्रण टाकून शिजण्यासाठी ठेवा.
• आप्पे दोन्ही बाजूने व्यवस्थित शिजल्यानंतर काढून खाण्यासाठी सर्व्ह करा. तयार आहेत सोप्या पद्धतीमध्ये बनवलेले हिरव्या मटारचे चविष्ट आप्पे.

Web Title: How to make green peas appe at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com