रव्याचा उपमा खाऊन अ‍ॅसिडिटी होते? मग १० मिनिटांमध्ये झटपट बनवा पौष्टिक नाचणीचा उपमा, शरीराला मिळेल तात्काळ ऊर्जा

सकाळच्या नाश्त्यासाठी तुम्ही सोप्या पद्धतीमध्ये नाचणीच्या पिठाचा उपमा बनवू शकता. हा पदार्थ कमीत काम साहित्यात झटपट तयार होतो आणि आरोग्यासाठी खूप पौष्टिक आहे.

सकाळच्या नाश्त्यात कायमच कांदापोहे, उपमा, शिरा, इडली डोसा इत्यादी ठराविक पदार्थ बनवले जातात. पण नेहमीच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. रव्याचा उपमा खाल्ल्यानंतर उन्हाळ्याच्या दिवसांमध्ये ऍसिडिटी आणि सतत आंबट ढेकर येऊन आरोग्य बिघडते.त्यामुळे रव्याचा वापर करण्याऐवजी नाचणीच्या पिठाचा वापर करावा. आज आम्ही तुम्हाला नाचणीच्या पिठाचा वापर करून पौष्टिक उपमा बनवण्याची सोपी रेसिपी सांगणार आहोत. नाचणीचे पीठ चवीसोबतच शरीरासाठी खूप जास्त पौष्टिक आहे. मधुमेह किंवा आरोग्यासंबंधित गंभीर समस्यांनी त्रस्त असलेल्या रुग्णांनी सकाळच्या नाश्त्यात नाचणीच्या पिठाचा उपमा बनवू खावा. हा पदार्थ १० मिनिटांमध्ये सहज तयार होतो. याशिवाय जास्त वेळ सुद्धा लागत नाही. उन्हाळयाच्या दिवसांमध्ये नाचणीचे सेवन करावे. नाचणी सहज पचन होते आणि पोटात थंडावा कायम टिकून राहतो. चला तर जाणून घेऊया नाचणीचा उपमा बनवण्याची सोपी रेसिपी.(फोटो सौजन्य – AI)

उन्हाळी डेझर्ट! थंडगार पदार्थ खाण्याची इच्छा झाल्यास झटपट बनवा नैसर्गिक गोडवा असलेले शहाळ्याचे आईस्क्रीम

साहित्य:

• नाचणीचे पीठ
• दही
• मीठ
• गाजर
• हिरवे मटार
• लसूण
• कढीपत्ता
• हिरवी मिरची
• मोहरी
• जिरं
• तूप

साखरेचा पाक किंवा माव्याचा वापर न करता घरीच बनवा चविष्ट नारळाचे लाडू, मिठाईवाल्यांसारखी लागेल चव

कृती:

• नाचणीच्या पिठाचा उपमा बनवण्यासाठी सर्वप्रथम, कढईमध्ये तूप गरम करून त्यात नाचणीचे पीठ टाकून लालसर होईपर्यँत भाजा.
• त्याच कढईमध्ये तूप गरम करून त्यात मोहरी, जिरे, कढीपत्ता आणि ठेचलेला लसूण घालून लालसर होईपर्यंत भाजा.
• लसूण भाजल्यानंतर त्यात हिरवी मिरचीचे तुकडे घाला आणि खमंग भाजून घ्या.
• त्यानंतर बारीक किसून घेतलेल्या सर्व भाज्या घालून मंद आचेवर शिजवा. त्यात चवीनुसार मीठ घालून मिक्स करा.
• भाज्यांना एक वाफ आल्यानंतर पाणी आणि दही घालून मिक्स करून घ्या. पाण्याला उकळी आल्यानंतर त्यात भाजलेले नाचणीचे पीठ घालून सतत मिक्स करत राहा.
• नाचणीच्या पिठाच्या अजिबात गुठळ्या होऊ देऊ नका. नाचणीच्या पिठाला एक वाफ आल्यानंतर वरून बारीक चिरून घेतलेली कोथिंबीर घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेला नाचणीच्या पिठाचा उपमा.