हिवाळ्यात नक्की करून पहा पारंपरिक राजस्थानी स्टाईल कच्च्या ओल्या हळदीची भाजी, नोट करून घ्या पौष्टिक पदार्थ

हळद संपूर्ण शरीरासाठी फायदेशीर आहे. थंडीच्या दिवसांमध्ये बाजारात कच्ची हळद उपलब्ध असते. या हळदीपासून तुम्ही भाजी बनवू शकता. चला तर जाणून घेऊया कच्च्या हळदीची भाजी बनवण्याची सोपी रेसिपी.

हिवाळा ऋतूला सुरुवात झाल्यानंतर बाजारात अनेक वेगवेगळ्या भाज्या उपलब्ध होतात. पालेभाजी, फळभाजी, कंदमूळ, यासोबतच कच्ची हळद सुद्धा मिळते. हळदीचा वापर जेवणातील सर्वच पदार्थ बनवताना केला जातो. यामध्ये असलेले घटक शरीर आतून आणि बाहेरून स्वच्छ ठेवतात. थंडीच्या दिवसांमध्ये बाजारात कच्ची ओली हळद मोठ्या प्रमाणावर विकली जाते. हळदीमध्ये असलेले गुणधर्म आतड्यांमधील घाण स्वच्छ करण्यासोबतच त्वचा चमकदार आणि सुंदर करण्यास मदत करतात. ओल्या हळदीचे सेवन केल्यामुळे शरीराला उष्णता मिळण्यासोबतच रोगप्रतिकारशक्ती सुधारते. औषधी गुणधर्मांनी समृद्ध असलेल्या ओल्या हळदीचे सेवन केल्यास कायमच हेल्दी राहाल. आज आम्ही तुम्हाला पारंपरिक राजस्थानी स्टाईलने हळदीची भाजी बनवण्याची सोपी रेसिपी सांगणार आहोत. हळदीची भाजी खाऊन घरातील सगळेच तुमचे कौतुक करतील. राजस्थानी पद्धतीमध्ये दिलेल्या फोडणीमुळे भाजीची चव अप्रतिम लागते. चला तर जाणून घेऊया रेसिपी. (फोटो सौजन्य – istock)

सकाळच्या नाश्त्यात शिल्लक राहिलेल्या ब्रेडपासून बनवा कुरकुरीत मेदुवडे, डाळ तांदूळ भिजत घालण्याचे टेन्शन होईल दूर

साहित्य:

• कच्ची हळद
• दही
• आलं लसूण पेस्ट
• लाल तिखट
• धणे पावडर
• तूप
• जिरं
• तमालपत्र
• हिरवी मिरची
• टोमॅटो
• मटार
• काजू
• मीठ

Christmas 2025 : सणाचा गोडवा वाढवा, ओरिओ बिस्किटांपासून घरी बनवा ‘ख्रिसमस केक’

कृती:

• ओल्या हळदीची भाजी बनवण्यासाठी सर्वप्रथम, वाटीमध्ये दही घेऊन त्यात लाल तिखट मसाला आणि धणे पावडर घालून मिक्स करा.
• कढईमध्ये तूप गरम करून घ्या. जिरे, तमालपत्र, बारीक चिरलेलं आलं – लसूण, बारीक चिरलेल्या हिरव्या मिरच्या घालून हलक्याशा भाजा.
• फोडणी व्यवस्थित भाजून झाल्यानंतर त्यात ओल्या हळदीचा किस घालून व्यवस्थित मिक्स करा.
• कच्ची हळद १० मिनिटं मंद आचेवर व्यवस्थित भाजून घ्या. त्यानंतर त्यात मटार आणि टोमॅटोची पेस्ट घालून व्यवस्थित मिक्स करा.
• भाजी शिजल्यानंतर त्यात तयार केलेली दह्याची पेस्ट घालून मिक्स करा. सगळ्यात शेवटी काजू आणि चवीनुसार मीठ घालून व्यवस्थित मिक्स करा.
• भाजीला एक वाफ आल्यानंतर गॅस बंद करून भाजी खाण्यासाठी सर्व्ह करा. तयार आहे सोप्या पद्धतीमध्ये बनवलेली कच्च्या हळदीची खमंग भाजी.