Recipe : ना मैदा ना गव्हाचं पीठ, एकदा घरी बनवून पहा कुरकुरीत ‘रवा पुरी’

Rava Puri Recipe : आपण आजवर मैदा आणि गव्हाची पुरी खात आलो आहोत, पण तुम्ही कधी रव्याची पुरी खाल्ली आहे का? चवीचा खुसखुशीत लागणारी ही पुरी आरोग्यासाठीही एक चांगला पर्याय ठरते.

• सणसमारंभात घरी कुरकुरीत पुरी बनवली जाते.
• ही पुरी अधिकतर मैदा किंवा गव्हाच्या पिठापासून तयार केली जाते.
• पण तुम्हाला माहिती आहे का ? तुम्ही रव्याची पुरी देखील बनवू शकता.

रवा पुरी ही एक अतिशय कुरकुरीत, चविष्ट आणि पटकन तयार होणारी स्नॅक डिश आहे, जी लहानांपासून मोठ्यांपर्यंत सगळ्यांनाच आवडते. विशेषतः सण, पार्टी किंवा संध्याकाळच्या चहासोबत काहीतरी वेगळं खायचं असेल, तर रवा पुरी हा उत्तम पर्याय ठरतो. साध्या घटकांपासून तयार होणारी ही पुरी बाहेरून खुसखुशीत आणि आतून हलकी असते. पारंपरिक पुरीपेक्षा ही थोडी वेगळी असून तिचा खास रव्याचा टेक्स्चर तिला अधिक चवदार बनवतो. घरी सहज उपलब्ध असलेल्या साहित्यामुळे ही रेसिपी कधीही पटकन करून पाहता येते.

एकाकीपणाला पूर्णविराम! जपानच्या व्हायरल पंचला भेटली गर्लफ्रेंड, Kiss करताना पाहून युजर्स गेले भारावून; Video Viral

साहित्य:

• 1 कप बारीक रवा
• 2 टेबलस्पून मैदा
• 1 टेबलस्पून तांदळाचे पीठ
• मीठ चवीनुसार
• 1 टीस्पून अजवाइन (ओवा)
• 1 टेबलस्पून गरम तेल (मोहनासाठी)
• पाणी (पीठ मळण्यासाठी)
• तेल (तळण्यासाठी)

पाण्यासाठी ATM तर शाळेत टॅबलेट, महाराष्ट्रातील या गावच्या सुविधा तर मोठ्या शहरालाजी लाजवतील; Video Viral

कृती:

• यासाठी सर्वप्रथम एका भांड्यात रवा, मैदा आणि तांदळाचे पीठ एकत्र घ्या.
• त्यात मीठ, ओवा आणि गरम तेल घालून चांगले मिसळा.
• थोडं थोडं पाणी घालत कडकसर पीठ मळून घ्या.
• मळलेले पीठ 15-20 मिनिटे झाकून ठेवा, जेणेकरून रवा मऊ होईल.
• नंतर पीठाचे छोटे गोळे तयार करा आणि लाटण्याने लहान पुरी लाटा.
• कढईत तेल गरम करून मध्यम आचेवर पुरी सोडून तळा.
• पुरी फुगून सोनेरी रंगाची झाली की बाहेर काढा.
• गरमागरम कुरकुरीत रवा पुरी तयार आहे.
• रवा पुरी तुम्ही चटणी, लोणचं किंवा गरम चहासोबत सर्व्ह करू शकता.